اسلام آباد: (خميس 13 فيبروري 2025ع)پي ٽي آءِ جي آءِ ايم ايف کي لکيل خط تي رد عمل ڏيندي مسلم ليگ ن جي اڳواڻ حنيف عباسي چيو ته پي ٽي آءِ جو آءِ ايم ايف کي ڏنل ڊوزيئر ملڪ جي معيشت کي نقصان پهچائڻ جي هڪ ٻي ڪوشش آهي.
حنيف عباسي هڪ بيان ۾ چيو ته ڪا به پارٽي عالمي مالياتي ادارن ۾ پنهنجي ملڪ خلاف لابنگ نٿي ڪري، هن وڌيڪ چيو ته پي ٽي آءِ جو خط پاڪستان جي معاشي خودمختياري تي سڌو حملو آهي.
مسلم ليگ (ن) جي اڳواڻ چيو ته پي ٽي آءِ جي هي ڪوشش ان جي مسلسل رياست مخالف رويي جو مظهر آهي.
حنيف عباسي چيو ته پي ٽي آءِ قومي بحرانن ذريعي پنهنجي سياست کي چمڪائيندي آهي. قوم کي پي ٽي آءِ جي بار بار رويي کي تسليم ڪرڻ گهرجي. جڏهن پاڪستان ترقي جي رستي تي هوندو آهي، ته پي ٽي آءِ هڪ تباهي ڪندڙ عنصر طور اڀري ايندي آهي.
واضح رهي ته قومي اسيمبلي ۾ مخالف ڌر جي اڳواڻ ۽ پاڪستان تحريڪ انصاف جي اڳواڻ عمر ايوب تصديق ڪئي ته اسلام آباد ۾ آءِ ايم ايف مشن کي هڪ ڊوزيئر ۽ خط موڪليو ويو آهي.
هن چيو ته ڊوزيئر چيف جسٽس آف پاڪستان کي به موڪليو ويو آهي ۽ ڊوزيئر ۾ عام چونڊن ۾ ڌانڌلي بابت ثبوت موجود آهن.
0 تبصرے
Do not use vulgar language