غزہ:(آچر 17 آگسٽ 2025ع)حماس پنهنجي بيان ۾ خبردار ڪيو آهي ته غزه شهر تي قبضي جي منصوبي جي صيهوني فوج جي منظوري ۽ فوجي ڪارروائين ۾ تيزي اصل ۾ هڪ نئين ۽ وڏي پيماني تي نسل ڪشي ۽ جبري لڏپلاڻ جو اعلان آهي.
بيان ۾ چيو ويو آهي ته هي اعلان صيهوني ضد، بين الاقوامي قانون جي بي پرواهي ۽ آمريڪي پٺڀرائي جي پاڇي هيٺ هلندڙ 22 مهينن جي نسل ڪشي جنگ جو تسلسل آهي.
ڏکڻ غزه ۾ خيما لڳائڻ جي نالي تي نام نهاد "انسان دوست انتظام" اصل ۾ وڏي پيماني تي بي گھر ٿيڻ ۽ قتل عام کي لڪائڻ لاءِ هڪ مجرمانه فريب آهن.
حماس چيو ته غزه جي تباهي، مغربي ڪناري ۾ روزانو حملو، ۽ هٿياربند آبادين جي دهشتگردي هڪ واحد منصوبي جو حصو آهن جنهن جو مقصد فلسطينين کي انهن جي زمين تان ڪڍڻ ۽ مقدس هنڌن کي يهودي بڻائڻ آهي. نتنياهو ۽ سندس حڪومت کليل طور تي پنهنجن حقيقي ارادن کي ظاهر ڪري رهيا آهن، جيڪو اردن، مصر، شام، لبنان ۽ حتي عراق تائين نام نهاد "گريٽر اسرائيل" منصوبي کي وڌائڻ آهي.
حماس زور ڏنو ته اهي خطرناڪ منصوبا نه رڳو فلسطين لاءِ پر پوري عرب ۽ اسلامي دنيا لاءِ سڌو خطرو آهن، تنهن ڪري عرب ۽ اسلامي ملڪن لاءِ ضروري آهي ته اهي واضح عملي قدم کڻن ۽ فلسطيني عوام ۽ مزاحمت جي مڪمل حمايت ڪن.
هن مرحلي کي فيصلو ڪندڙ قرار ڏيندي، حماس قومي اتحاد ۽ هڪ جامع مزاحمتي حڪمت عملي جي ضرورت تي زور ڏنو آهي.
0 تبصرے
Do not use vulgar language