گنڊاپور، علوي، اسد قيصر، شبلي، سلمان اڪرم سوڌو 50 اڳواڻن جا 26 نومبر احتجاج ڪيس ۾ وارنٽ

اسلام آباد:(جمعو 01 آگسٽ 2025ع)اسلام آباد جي دهشتگردي ٽوڙ عدالت 26 نومبر احتجاج ڪيس ۾ عارف علوي، عليمه خان، عمر ايوب، اسد قيصر، شبلي فراز ۽ سلمان اڪرم راجا سميت 50 پي ٽي آءِ اڳواڻن جا گرفتاري وارنٽ جاري ڪري ڇڏيا، اسلام آباد جي دهشتگردي ٽوڙ عدالت جي جج ابوالحسنات پي ٽي آءِ اڳواڻن جا گرفتاري وارنٽ جاري ڪيا، عدالت عارف علوي، عمر امين گنڊاپور، اسد قيصر، حماد اظهر، عاطف خان، عبدالقيوم نيازي، شبلي فراز، فيصل جاويد ۽ سلمان اڪرم راجا جا گرفتاري وارنٽ جاري ڪيا، رئوف حسن، مراد سعيد، احمد نيازي، شعيب شاهين، اعظم سواتي، عمر ايوب، صاحبزاده حامد رضا، عليمه خان، شيخ وقاص اڪرم، ڪنول شوزب، شاندانه گلزار ۽ شير افضل مروت جا به گرفتاري وارنٽ جاري ڪيا ويا، پي ٽي آءِ اڳواڻن جا وارنٽ ڪراچي ڪمپني ٿاڻي تي داخل ٻن ڪيسز ۾ جاري ڪيا ويا، پوليس عدالت کي پي ٽي آءِ اڳواڻن جا گرفتاري وارنٽ جاري ڪرڻ جي استدعا ڪئي هئي.