ڪراچي:(اڱارو 08 جولاءِ 2025ع)سنڌ جي گورنر ڪامران ٽيسوري لياري ۾ عمارت ڪرڻ جي نتيجي ۾ فوت ٿي ويل ماڻهن جي وارثن کي 80 گز جو پلاٽ ڏيڻ جو اعلان ڪري ڇڏيو.
ڪراچي ۾ صحافين سان ڳالهيون ڪندي سنڌ جي گورنر چيو ته عمارت ڪرڻ جي واقعي تي وڏي وزير طرفان ڪميٽي ٺاهڻ خوشي جوڳي آهي. ڊي جي ايس بي سي اي کي عهدي تان هٽايو ويو آهي، پر چهرا تبديل ٿيڻ سان نظام صحيح نٿو ٿي سگهي.
هن چيو ته لياري بغداد ۾ عمارت ڪرڻ سان فوت ٿي ويل ماڻهن جي وارثن کي 80 گز جو پلاٽ ڏيڻ جو اعلان ڪريان ٿو. لياري جي عوام کي مايوس نه ڪندس انهي لاءِ ايوان ۾ آواز اٿاريندس جيڪي خاندان بي گهر ٿيا آهن انهن کي راشن به ڏنو ويندو.
ڪامران ٽيسوري مطالبو ڪيو ته سنڌ حڪومت 6 مهينن جو ڪرايو ۽ انهي علائقي ۾ متاثرين کي گهر وٺي ڏئي، ياد رهي ته ڪراچي جي علائقي لياري بغدادي ۾ گذريل هڪ هفتو اڳ هڪ 5 ماڙ عمارت پٽ پئجي وئي جنهن ۾ 6 خاندان رهائش پذير هئا جڏهن ته حادثي ۾ هينئر تائين 27 ڄڻن جي فوت ٿيڻ جي تصديق ٿي چڪي آهي.
0 تبصرے
Do not use vulgar language