ڪراچي:(اربع 03 سيپٽمبر 2025ع)اليڪشن ڪميشن ڊي ايم او جي فيصلي خلاف ڪراچي جي ميئر مرتضيٰ وهاب جي اپيل بحال ڪري ڇڏي آهي.
سنڌ جي ميمبر نثار دراني جي سربراهي ۾ ٽي رڪني ڪميشن ڊسٽرڪٽ مانيٽرنگ آفيسر (ڊي ايم او) جي فيصلي خلاف ڪراچي جي ميئر مرتضيٰ وهاب جي اپيل جي ٻڌڻي ڪئي.
ٻڌڻي دوران مرتضيٰ وهاب جي وڪيل موقف اختيار ڪيو ته ڊي ايم او اسان کي ٻڌڻ کانسواءِ فيصلو ڏنو ۽ ڪو به نوٽيس جاري نه ڪيو ويو. الزام لڳايو ويو ته هن چونڊ مهم دوران پريس ڪانفرنس ڪئي، جنهن کان پوءِ اسان جي اپيل به رد ڪئي وئي. وڪيل درخواست ڪئي ته اسان جي اپيل بحال ڪئي وڃي.
اليڪشن ڪميشن جي عملدارن چيو ته مرتضيٰ وهاب جي اپيل کي ان بنياد تي رد ڪيو ويو ته اها مقرر وقت کان پوءِ داخل ڪئي وئي هئي.
ان موقعي تي پنجاب جي ميمبر ريمارڪس ڏنا ته ڪميشن توهان کي ڪيترائي ڀيرا طلب ڪيو هو پر توهان پيش نه ٿيا، جنهن تي وڪيل جواب ڏنو ته اسان گذريل هفتي ڪراچي ۾ تيز برساتن سبب پيش نه ٿي سگهياسين.
پنجاب جي ميمبر چيو ته هاڻي مينهن پيو آهي، ڪميشن توهان کي هڪ سال کان سڏي رهيو آهي، جيڪڏهن اپيل بحال ٿي وڃي ته پوءِ توهان کي ٻيهر 6 مهينا غائب نه ٿيڻ گهرجي.
بعد ۾، اليڪشن ڪميشن مرتضيٰ وهاب جي اپيل بحال ڪئي ۽ ڪيس جي وڌيڪ ٻڌڻي 16 سيپٽمبر تائين ملتوي ڪري ڇڏي.
0 تبصرے
Do not use vulgar language