اٽي جي اگهن ۾ واڌ جاري، 20 ڪلو جو ٿيلهو 3 هفتن ۾ 1050 رپيا مهانگو ٿي ويو

اسلام آباد:(سومر 08 سيپٽمبر 2025ع)پنجاب ۾ تيز برساتن ۽ ٻوڏ جي ڪري، ملڪ ۾ اٽي جي قيمتن ۾ مسلسل اضافو ٿي رهيو آهي. شماريات بيورو جي 5 سيپٽمبر تائين جي رپورٽ ۾ تفصيل سامهون آيا آهن، جنهن مطابق گذريل 3 هفتن ۾، 20 ڪلوگرام اٽي جي ٿيلهي ۾ 1,050 رپيا مهانگو ٿي ويو آهي ۽ ملڪ ۾ 20 ڪلوگرام اٽي جي ٿيلهي جي وڌ ۾ وڌ قيمت 2,500 رپين تائين پهچي وئي آهي. بنون ۾ اٽو 1,050 رپيا، پشاور ۽ لاڙڪاڻي ۾ 900 رپيا مهانگو ٿي ويو، جڏهن ته سکر ۾ 840 رپيا، لاهور ۾ 830 رپيا، ملتان ۾ 826 رپيا، گوجرانوالا ۽ سيالڪوٽ ۾ 817 رپيا، اسلام آباد ۾ 800 رپيا ۽ راولپنڊي ۽ ڪوئيٽا ۾ 740 رپيا مهانگو ٿي ويو. گذريل 3 هفتن ۾، بهاولپور ۾ 20 ڪلوگرام اٽي جي ٿيلهي جي قيمت ۾ 866.67 رپيا واڌ ٿي.