سرياب:(اربع 03 سيپٽمبر 2025ع)سرياب روڊ تي ڌماڪي ۾ فوت ٿيندڙن جو انگ 15 ٿي ويو آهي.
سي ٽي ڊي ترجمان موجب، خودڪش ڌماڪي جو ڪيس سرياب روڊ تي شاهواڻي اسٽيڊيم جي سامهون داخل ڪيو ويو آهي، جنهن ۾ قتل، قتل جي ڪوشش ۽ دهشتگردي خلاف دفعات شامل آهن، جڏهن ته ڪيس ۾ نامعلوم ماڻهن کي نامزد ڪيو ويو آهي.
سي ٽي ڊي ترجمان چيو ته خودڪش بمبار جي باقيات کي تحويل ۾ ورتو ويو آهي ۽ انهن کي فرانزڪ لاءِ موڪليو ويندو.
ٻئي طرف، بلوچستان جي صحت کاتي چيو آهي ته سرياب روڊ تي خودڪش حملي ۾ فوتين جو انگ هاڻي 15 تائين پهچي ويو آهي، جڏهن ته 38 ماڻهو زخمي آهن.
ان کان علاوه، وزيراعظم شهباز شريف ڪوئيٽا ۾ ڌماڪي جي سخت مذمت ڪئي ۽ زخمين کي بهترين طبي سهولتون فراهم ڪرڻ جي هدايت ڪئي.
وزيراعظم ڌماڪي ۾ ملوث ماڻهن جي جلد سڃاڻپ ڪرڻ ۽ انهن کي انصاف جي ڪٽهڙي ۾ آڻڻ جي هدايت ڪئي آهي.
0 تبصرے
Do not use vulgar language