نو مئي، جي ايڇ ڪيو حمله ڪيسز: شبلي فراز، عمر ايوب سميت پي ٽي آءِ اڳواڻن جا گرفتاري وارنٽ جاري

راولپنڊي:(اربع 20 آگسٽ 2025ع)دهشتگردي جي انت واري خصوصي عدالت جي ايڇ ڪيو حمله سميت 9 مئي جي 12 ڪيسز جي ٻڌڻي 3 سيپٽمبر تائين ملتوي ڪري ڇڏي جڏهن ته فيصل آباد عدالت مان سزا ماڻيندڙ عمر ايوب، شبلي فراز، زرتاج گل، ڪنول شوزب، شيخ راشد شفيق سميت 14 ڏوهارين جا ضمانت نه ٿيڻ جوڳا گرفتاري وارنٽ جاري ڪندي ايندڙ تاريخ تي گرفتار ڪري پيش ڪرڻ جو حڪم ڏئي ڇڏيو. دهشتگردي جي انت واري خصوصي عدالت جي جج امجد علي شاهه جي ايڇ ڪيو حمله سميت راولپنڊي ڊويزن جي ٿاڻن ۾ 9 مئي جي داخل 12 ڪيسز جي ٻڌڻي ڪئي. جي ايڇ ڪيو حمله ڪيسز ۾ جيل ٽرائل ٻيهر نه ٿي سگهيو ايندڙ تاريخ 3 سيپٽمبر جيل ٽرائل جو به حڪم جاري ڪري ڇڏيو. فيصل آباد جي عدالت مان سزا ماڻيندڙ 14 ڏوهاري پيش نه ٿيا انهن جي وڪيلن حاضري کان ڇوٽ جون درخواستون داخل ڪيون جنهن کي عدالت رد ڪندي رد قرار ڏنو ته انهن کي سزائون ملي چڪيون حاضري کان معافي نٿي ڏئي سگهجي، انهن کي پهريان سرنڊر ڪرڻو پوندو. اهڙن جوابدارن ۾ عمر ايوب خان، شبلي فراز، شيخ راشد شفيق، زرتاج گل، ڪنول شوزب، راءِ مرتضيٰ، عظيم الله خان، احمد چٺه، راءِ حسن نواز، محمد جاويد، شڪيل نيازي، چوڌري آصف علي، اشرف خان ۽ چوڌري بلال اعجاز شامل هئا. جيڪي 31 جوابدار بنا ڪنهن سبب جي غير حاضر ٿيا انهن جا ضمانت نه ٿيڻ جوڳا گرفتاري وارنٽ جاري ڪيا ويا. جي ايڇ ڪيو حمله ڪيس ۾ ٽوٽل 119 گواهه آهن انهن مان 27 جا بيان رڪارڊ ٿي چڪا آهن. ايندڙ تاريخ تي 3 گواهن کي طلب ڪيو ويو آهي. ٻين ڪيسز ۾ جي ايڇ ڪيو گيٽ 4 حمله، آرمي ميوزيم حملو، صدر ۾ حساس بلڊنگ ساڙڻ، مري روڊ ميٽرو اسٽيشن کي باهه ڏيڻ، شمس آباد، مري روڊ، حساس اداري جي بلڊنگ تي پٿراءُ ڪرڻ سميت گهيراءُ ڀڃ ڊاهه جا ڪيسز شامل آهن.