ڪي-اليڪٽرڪ جي ترجمان سي اي او مونس علوي جي استعيفيٰ جي ترديد ڪري ڇڏي

ڪراچي:(جمعو 01 آگسٽ 2025ع)ڪي-اليڪٽرڪ جي ترجمان چيف ايگزيڪيوٽو آفيسر (سي اي او) مونس علوي جي استعيفيٰ جي ترديد ڪئي. جڏهن ڪي-اليڪٽرڪ سان رابطو ڪيو ويو ته ترجمان چيو ته سي اي او مونس علوي کي فيصلي خلاف اعليٰ عدالت ۾ وڃڻ جو حق آهي ۽ هو جلد ئي ان حوالي سان فيصلو ڪندو. 31 جولاءِ تي، سنڌ محتسب هڪ عورت کي هراسان ڪرڻ جو الزام ثابت ٿيڻ کان پوءِ مونس علوي کي سندس عهدي تان هٽائڻ جو حڪم ڏنو هو، جڏهن ته مٿس 2.5 ملين رپيا جرمانو پڻ لاڳو ڪيو ويو هو. سنڌ محتسب چيو ته جيڪڏهن سي اي او ڪي-اليڪٽرڪ تي عورت کي هراسان ڪرڻ جو الزام ثابت ٿئي ٿو ته کيس هڪ مهيني اندر جرمانو ادا ڪرڻ گهرجي. فيصلي ۾ چيو ويو آهي ته سي اي او ڪي-اليڪٽرڪ شڪايت ڪندڙ کي هراسان ڪيو ۽ ذهني طور تي تشدد ڪيو، جيڪڏهن مونس علوي جرمانو ادا نه ڪندو ته سندس منقوله ۽ غير منقوله ملڪيت ضبط ڪئي وڃي. سنڌ محتسب چيو ته جيڪڏهن مونس علوي جرمانو ادا نه ڪندو ته سندس سڃاڻپ ڪارڊ ۽ پاسپورٽ پڻ بلاڪ ڪيو وڃي.