پي ايس پي ڊائريڪٽر عروسا شاهه جو زوري استعيفيٰ وٺڻ جو الزام

ٽنڊو محمد خان:(جمعو 29 آگسٽ 2025ع)ٽنڊو محمد خان سميت سنڌ جي مختلف علائقن ۾ تعليم جو زيور هر نياڻي کي ڏيارڻ لاءِ پنهنجو ڪردار ادا ڪندڙ عروسا شاھ کي مبينا طور زبردستي استعيفى وٺڻ جو انڪشاف ، يڪجهتي طور وڌيڪ 10 کان مٿي ماسترياڻين پاران استعيفى ڏيڻ جو فيصلو ڪيو ويو آهي ، سماجي اڳواڻن ۽ والدين پاران سخت احتجاج جو چتاءُ ڏنو ويو ، خبر موجب پي ايس پي اسڪولن سنڌ جي ڊائريڪٽر ميڊم عروسا شاھ کان (پين اين جي اوز) جي صوبائي مئنيجر سعيد آرائين طرفان مبينا طور زبردستي استعيفى وٺڻ جو انڪشاف ٿيو آهي ، انهي سلسلي ۾ پي ايس پي اسڪولن سنڌ جي ڊائريڪٽر ميڊم عروسا شاھ رابطي ڪرڻ تي ٻڌايو ته ٽنڊو محمد خان ـ ٺٽو سميت سڄي سنڌ جي ٻهراڙين جي علائقن م سنڌ جي پٺ تي پيل اسڪولن جو ڄار وڇائي هر ٻار کي تعليم جي زيور سان نوازڻ جي مڪمل ڪوشش ڪئي آهي جنهن ۾ نياڻين جي تعليم لاء پاڻ پتوڙيو آهي جنهن جي مون کي سزا ڏني وئي آهي ، جنهن سبب زوري زبردستي مون کي ذهني پريشرائيز ڪري مون کان استعيفى ورتي وئي آهي ۽ مون کي خاموش رهڻ لاءِ حراسان ڪيو ويو آهي ، جڏهن ته ٽنڊو محمد خان ضلعي جي سياسي سماجي اڳواڻن عبدالحفيظ سٺيو ، زاهد رند ، قاضي شمن ۽ ٻين سنڌ جي وڏي وزير ، صوبائي وزير تعليم سميت اعلى اختيارين کان مطالبو ڪيو آهي ته ميڊم عروسا شاھ جي زبردستي استعيفى وٺندڙ ملوث عمدارن خلاف ڪاروائي ڪري کيس واپس پنهنجي ساڳي جاءِ تي مقرر ڪري سنڌ جي تعليمي نظام کي بچايو وڃي ٻي طرف ذريعن کان معلوم ٿيو آهي ته ٽنڊو محمد خان جي پي ايس پي جي 10 کان مٿي ليڊيز استادياڻين پاران پڻ استعيفائون جمع ڪرائڻ جو انڪشاف ٿيو آهي