شڪارپور:(جمعو 29 آگسٽ 2025ع)ڊائريڪٽر جنرل سنڌ فوڊ اٿارٽي شهزاد فضل عباسي جي هدايتن تي شڪارپور ۾ غير معياري ۽ غير صحت بخش آچار ٺاهيندڙ فيڪٽري خلاف ڪارروائي ڪئي وئي.
ايڊيشنل ڊائريڪٽر آپريشنز آغا فاروق احمد مطابق سائيٽ ايريا جي دوري دوران هڪ فيڪٽري مان ڪيميڪل گريڊ ڊرم ۽ ايسٽڪ ايسڊ مليا، جيڪي خوراڪ لاءِ استعمال لائق نه هئا. فيڪٽري اندر صفائي جي سخت کوٽ هئي ۽ ڪم ڪندڙ عملي حفاظتي اصولن تي عمل نه پئي ڪيو.
پوليس جي مدد سان آصف آچار مينو فيڪچرنگ فيڪٽري کي فوري طور سيل ڪيو ويو،جنهن بعد قانوني ڪارروائي شروع ڪئي وئي.
ايڊيشنل ڊائريڪٽر چيو ته سنڌ فوڊ اٿارٽي خوراڪ ۾ ملاوٽ ۽ غير معياري شيون ٺاهڻ خلاف زيرو ٽالرنس رکي ٿي، جڏهن ته عوام کي صحتمند خوراڪ فراهم ڪرڻ لاءِ سخت ڪارروايون جاري رهنديون.
0 تبصرے
Do not use vulgar language