ميرپورخاص:(جمعو 29 آگسٽ 2025ع)ڊاڪٽر شاھنواز قتل ڪيس جي ٻڌڻي، اشتھاري جوابدار قرار ڏنل اڳوڻي ڊي آءِ جي سميت 4 جوابدارن جا شناختي ڪارڊ بلاڪ، بينڪ اڪائونٽ ۽ ملڪيتون ضبط ڪرڻ جو حڪم ڏئي ڇڏيو.
ميرپورخاص پوليس ھٿان جعلي مقابلي ۾ مارجي ويل عمرڪوٽ واسي ڊاڪٽر شاھنواز ڪنڀر جي قتل ڪيس جي ٻڌڻي ميرپورخاص جي دھشتگردي ٽوڙ عدالت ۾ ٿي، جنھن ۾ گذريل ٻڌڻي دوران اشتھاري جوابدار قرار ڏنل ميرپورخاص جي اڳوڻي ڊي آءِ جي جاويد سونھارو جسڪاڻي، عمرڪوٽ جي انسپيڪٽر عبدالستار سمون، سپاھي محمد صديق ۽ لکمير خلاف 88 جي ڪارروائي ڪندي عدالت سڳوري چئني جوابدار جا شناختي ڪارڊ بلاڪ ڪرڻ، سندن بينڪ اڪائونٽ سيز ڪرڻ ۽ سندن ملڪيتون ضبط ڪرڻ جا حڪم ڏئي ڇڏيا آھن.
ان حوالي سان عدالت ٻاھران ڊاڪٽر شاھنواز قتل ڪيس جي فريادي ايڊووڪيٽ ابراھيم ڪنڀر ميڊيا سان ڳالھائيندي چيو ته گذريل ٻڌڻي تي چئني جوابدارن خلاف 87 جي ڪارروائي ڪندي کين اشتھار قرار ڏنو ويو ھو، جڏھن ته ھن ڪيس ۾ روپوش قرار ڏنل ميرپورخاص جي اڳوڻي ايس ايس پي رٽائرڊ ڪيپٽن اسد علي چودري بابت ڊي جي ايف آءِ جي رپورٽ ناھي آئي، ان ڏس ۾ عدالت سڳوري ٻيھر نوٽيس جاري ڪيا آھن.
عدالت سڳوري ايندڙ ٻڌڻي 15 سيپٽمبر تائين ملتوي ڪري ڇڏي آھي.
0 تبصرے
Do not use vulgar language