ڪنڌڪوٽ:(جمعو 29 آگسٽ 2025ع)سنڌ حڪومت پاران امڪاني ٻوڏ کي منهن ڏيڻ لاءِ فوڪل پرسن، فلڊ اينڊ رين ايمرجنسي صوبائي وزير اڪسائيز اينڊ ٽيڪسيشن مڪيش ڪمار چاولا ڪنڌڪوٽ پهچي ضلعي انتظاميه پاران امڪاني ٻوڏ جي انتظامات جو جائزو ورتو.
امڪاني ٻوڏ کي منهن ڏيڻ جي سلسلي ۾ حفاظتي انتظامن جو جائزو وٺڻ لاءِ ڊپٽي ڪمشنر آفيس اندر گڏجاڻي ٿي، اجلاس ۾ ايم پي اي مير غلام عابد خان سندراڻي، ايم پي حاجي عبدالرئوف خان کوسو، ڊپٽي ڪمشنر ڪشمور آغا شير زمان، ايس ايس پي ڪشمور محمد مراد ، صوبائي ۽ وفاقي کاتن جي لاڳاپيل اعلي عملدارن ڊبل ون ڊبل ٽو ضلعي اندر ڪم ڪندڙ فلاحي اينجيوز جي نمائيدن شرڪت پڻ ڪئي.
صوبائي وزير کي بريفنگ ڏيندي ڊپٽي ڪمشنر ڪشمور آغا شير زمان جو چوڻ هو ته امڪاني ٻوڏ کي منهن ڏيڻ لاءِ انتظام مڪمل ڪيا ويا آهن، حفاظتي بندن سان ميڊيڪل توڙي وٽنري ڪئمپون قائم ڪيون وينديون، سنڌو درياءَ ۾ پاڻي جي سطح توڙي حفاظتي بندن جي نگراني ڪئي پئي وڃي، ضلعي انتظاميا ڪشمور امڪاني ٻوڏ جي حوالي سان تيار آهي ٻوڏ واري صورتحال ۾ سرڪاري عمارتن اندر رليف ڪئمپون قائم ڪيو وينديو.
ان موقعي تي ڊي ايڇ او سيد اعجاز علي شاھ ٻڌايو ته صحت کاتي پاران امڪاني ٻوڏ کي منهن ڏيڻ لاءِ تياري مڪمل آهن ميڊيڪل ڪيمپ لڳائي ويندي، جڏهن ته صحت کاتي ۽ پي پي ايڇ آءِ جي سهڪار سان هن وقت وئڪسين دوائن جي ڪا به کوٽ ناهي وٽنيري آفيسر ٻڌايو ته امڪاني ٻوڏ اندر جانورن جي منتقلي ۽ وبائي بيمارين کان بچاءُ لاءِ وئڪسين وافر مقدار ۾ موجود آهي، ضلعي سان لاڳاپيل مڙهني کاتن امڪاني ٻوڏ جي حوالي سان بريفنگ ڏني.
اجلاس سان خطاب ڪندي صوبائي وزير جو چوڻ هو ته سنڌ حڪومت جا انتظامات هائي فلڊ جا آهن، اسان جي حڪومت تيار آهي، صدر آصف علي زرداري ۽ چيئرمين بلاول ڀٽو زرداري سي ايم سنڌ سيد مراد علي شاهه پ پ پ اعلي قيادت مسلسل رابطي ۾ آهي. امڪاني ٻوڏ کي منهن ڏيڻ لاءِ روينيو کاتي سميت لاڳاپيل کاتن جي عملي جون موڪلون رد ڪيو ويون آهن، ڪچي جي متاثرن لاءِ حفاظتي بندن سان ميڊيڪل توڙي وٽنري ڪئمپون قائم ڪيون وڃن، جڏهن ته تعلقي سطح تي ڪنٽرول روم پڻ قائم ڪيا وڃن ته جيئن هنگامي صورتحال دوران متاثرن جي مشڪلاتن کي گهٽائي سگهجي.
هن چيو ته پاڻي جي صورتحال جي نگراني ڪئي پئي وڃي، ڪچي واسي احتياطي تدبيرون اختيار ڪن.
0 تبصرے
Do not use vulgar language