ڪراچي ۾ برسات کان پوءِ چمڙي جي بيمارين ۾ اضافو

ڪراچي:(اڱارو 26 آگسٽ 2025ع)برساتن کان پوءِ شهر ۾ چمڙي جي بيمارين جي مريضن جو انگ وڌي رهيو آهي. چمڙي جي بيمارين جي ماهر ڊاڪٽر عبدالله يحيٰ چيو ته چمڙا اسپتال ۾ روزانو 5 هزار چمڙي جي بيمارين ۾ مبتلا مريض اچي رهيا آهن، برساتن کان پوءِ مريضن جو انگ تمام گهڻو وڌي ويو آهي. ڊاڪٽر عبدالله چيو ته گندي پاڻي ۽ کليل مين هولز جي ڪري فنگل ۽ بيڪٽيريا انفيڪشن وڌي رهيا آهن، جڏهن ته بيٺل پاڻي جي ڪري پيراسائٽڪ انفيڪشن پڻ وڌي رهيا آهن. ان کان علاوه، چمڙي جي بيمارين جي ماهر ڊاڪٽر رابعه چيو ته سول اسپتال جي او پي ڊي ۾ روزانو 500 کان 600 مريض اچي رهيا آهن ۽ چمڙي جي بيمارين ۾ مبتلا 600 کان وڌيڪ مريض روزانو جناح اسپتال اچي رهيا آهن. ڊاڪٽر رابعه شهرين کي هدايت ڪندي چيو ته آلوده پاڻي ۽ گندي جڳهن کان بچڻ تمام ضروري آهي.