اسلام آباد:(ڇنڇر 09 آگسٽ 2025ع)اسلام آباد: وزيراعظم شهباز شريف غزه تي غيرقانوني طور تي ڪنٽرول ڪرڻ جي اسرائيلي منصوبي جي فيصلي جي مذمت ڪئي آهي.
هڪ مذمتي بيان ۾ شهباز شريف چيو ته اسرائيلي ڪابينا جو منصوبو فلسطينين خلاف جنگ ۾ خطرناڪ واڌ جي مترادف آهي.
هن چيو ته غزه ۾ فوجي ڪارروائين جي هي توسيع اڳ ۾ موجود انساني بحران کي وڌيڪ خراب ڪندي، اسرائيلي ڪابينا جو فيصلو خطي ۾ امن جي ڪنهن به امڪان کي ختم ڪري ڇڏيندو.
وزيراعظم وڌيڪ چيو ته عالمي برادري کي اسرائيل جي ناحق جارحيت کي روڪڻ لاءِ فوري طور تي مداخلت ڪرڻ گهرجي، غزه جي ماڻهن کي انساني امداد جي فراهمي کي يقيني بڻائڻ گهرجي ۽ معصوم شهرين جي تحفظ کي يقيني بڻائڻ گهرجي.
0 تبصرے
Do not use vulgar language