ٽيڪ آف کان ڪجهه لمحا اڳ لنڊن ويندڙ ايئر انڊيا جي اڏام ۾ ڪهڙي مسئلي جي سڃاڻپ ٿي؟

دھلي:(جمعو 01 آگسٽ 2025ع)ايئر انڊيا جي دهلي-لنڊن جي اڏام ۾ ٽيڪ آف کان اڳ ٽيڪنيڪل خرابي پيدا ٿي، پرواز صحيح وقت تي منسوخ ڪئي وئي. ايئر انڊيا جو بوئنگ 787-9 جهاز، جيڪو لنڊن لاءِ اڏامڻ لاءِ تيار هو، خميس ڏينهن دهلي ايئرپورٽ تي ٽيڪنيڪل خرابي سبب گرائونڊ ڪيو ويو، ڪاڪ پٽ جي عملدارن معياري آپريٽنگ طريقيڪار تي عمل ڪرڻ کان پوءِ ٽيڪ آف کي رد ڪرڻ جو فيصلو ڪيو. ايئر انڊيا جي ترجمان چيو ته پرواز AI2017، جيڪا 31 جولاءِ تي دهلي کان لنڊن لاءِ روانگي ٿيڻي هئي، هڪ شڪي ٽيڪنيڪل خرابي جي ڪري گرائونڊ ڪئي وئي. ايئر انڊيا جي جهاز حادثي ۾ باهه ۾ سڙيل ماءُ پنهنجي ٻار جي جان ڪيئن بچائي؟ آفيسرن چيو ته ڪاڪ پٽ جي عملدارن ٽيڪ آف کي رد ڪرڻ جو تڪڙو فيصلو ڪيو ۽ احتياطي چڪاس لاءِ جهاز کي ايئرپورٽ تي واپس آندو. ايئر لائن جي بيان ۾ چيو ويو آهي ته مسافرن کي جلد کان جلد لنڊن وٺي وڃڻ لاءِ هڪ متبادل جهاز مقرر ڪيو پيو وڃي. اسان جو گرائونڊ اسٽاف مهمانن کي هر ممڪن مدد ۽ سار سنڀال فراهم ڪري رهيو آهي ته جيئن هن غير متوقع دير سبب پيدا ٿيندڙ تڪليف کي گهٽائي سگهجي.