غزہ:(اربع 20 آگسٽ 2025ع)غزه تي اسرائيلي حملا بند نه ٿي رهيا آهن، تازي ڪارروائي ۾ 51 وڌيڪ فلسطيني قتل ٿي ويا آهن.
پرڏيهي ميڊيا موجب، اڱاري جي صبح کان وٺي اسرائيلي حملن ۾ گهٽ ۾ گهٽ 51 فلسطيني قتل ٿي چڪا آهن، جن ۾ گهٽ ۾ گهٽ 8 ماڻهو امداد جي طلبگار هئا.
رپورٽ ۾ چيو ويو آهي ته اسرائيلي فورسز غزه ۾ امداد ورهائڻ وارن مرڪزن جي ويجهو فائرنگ ڪئي.
ان کان علاوه، خان يونس ۾ بي گهر ماڻهن کي پناهه ڏيندڙ خيمن تي حملي ۾ گهٽ ۾ گهٽ 8 فلسطيني قتل ٿيا، جڏهن ته مرڪزي غزه ۾ دير البله ۾ هڪ خيمه تي حملي ۾ 4 ٻيا ماڻهو مارجي ويا.
غزه جي سرڪاري ميڊيا آفيس موجب، غزه ۾ اسرائيل پاران شروع ڪيل تقريبن 2 سالن جي نسل ڪشي واري جنگ ۾ 62,000 کان وڌيڪ فلسطيني قتل ٿيا آهن، جن ۾ گهٽ ۾ گهٽ 18,885 ٻار شامل آهن.
ان دوران، قطر ۽ مصر پاران پيش ڪيل جنگ بندي جي تجويز تي حماس جي رضامندي کان پوءِ اسرائيلي حڪومت اڃا تائين ڪو به رد عمل ظاهر نه ڪيو آهي.
0 تبصرے
Do not use vulgar language