اسلام آباد :(اربع 20 آگسٽ 2025ع)قومي اسيمبلي کان پوءِ، سينيٽ به پيٽروليم ايڪٽ ۾ ترميمن جي منظوري ڏني.
بل موجب، وفاقي حڪومت پيٽروليم شين کي ڊجيٽل طور تي ٽريڪ ڪندي ۽ آئي ٽي ۽ ريئل ٽائيم ذريعي ذخيرن جي نگراني ڪندي.
بل ۾ چيو ويو آهي ته پيٽرول جي غير قانوني درآمد، نقل و حمل، ذخيرو ڪرڻ، ريفائننگ يا ملاوٽ ڪرڻ تي 10 لک رپيا جرمانو لڳايو ويندو، جڏهن ته بار بار ڀڃڪڙي ڪندڙن تي 5 لک رپيا جرمانو لڳايو ويندو.
بل موجب، اسمگل ٿيل پيٽروليم شين کي ذخيرو ڪرڻ يا وڪڻڻ ۾ ملوث ڪنهن به لائسنس يافته شخص جي اسٽوريج بند ڪئي ويندي.
ان کان علاوه، غير قانوني پيٽرول پمپن خلاف پڻ سخت ڪارروائي ڪئي ويندي.
0 تبصرے
Do not use vulgar language