ڪراچي:(خميس 28 آگسٽ 2025ع)ڪراچي کان پيادل مارچ ڪري ٻٻرلوءِ قومي شاهراهه ڀرسان احتجاجي ڪئمپ قائم ڪري ويٺل آءِ بي اي پاس اميدوارن کي گذريل رات خيرپور پوليس کنڀي گم ڪرڻ سان گڏوگڏ لڳايل ڪئمپ پٽي ڇڏي، جنهن بعد آءِ بي اي پاس سوين اميدوارن جو سماجي اڳواڻ شائسته کوسو جي اڳواڻي ۾ ٺيڙهي باءِ پاس تي گڏ ٿي ڪري ٺيڙهي کان سکر تائين پيادل ڪيو ويو، ان موقعي تي آء بي اي پاس اميدوارن ميڊيا سان ڳالهائيندي چيو ته خيرپور پوليس پاران رات جي اونداهي ۾ کنڀي گم ڪيل اسان جي چئن ساٿين عبدالغفار مغيري، وقار بلوچ خميس علي چنه ۽ غلام فريد وساڻ کي فوري طور تي آزادي ڪيو وڃي هنن چيو ته اسين ڪراچي پريس ڪلب آڏو 46 ڏينهن جو پرامن ڌرڻو هڻن بعد ڪراچي پريس ڪلب کان پيادل 18 ڏينهن جو لانگ مارچ ڪري ٻٻرلوءِ باءِ پاس تي قومي شاهراهه ڀرسان پرامن احتجاجي ڪئمپ قائم ڪري ويٺل هئاسين ته سنڌ حڪومت خيرپور پوليس هٿان اسان جي اڳواڻي ڪندڙ چئن دوستن مٿان وحشياڻو تشدد ڪرڻ بعد کين کنڀي گم ڪري ڇڏيو آهي خدشو آهي ته هنن مٿان ڪوڙا ڪيس داخل ڪيا ويندا هنن چيو ته اسين سنڌ حڪومت کان پنهنجن جائز مطالبا جي مڃتا لاءِ احتجاج ڪري رهيا آهيون، پر هو اسان سان ڳالهيون ڪري مطالبات مڃڻ بجائي پوليس کان اسان مٿان تشدد ڪرائي اسان کي خاموش ڪرائڻ جي ناڪام ڪوشش ڪري رهي آهي پر اسين گرفتارين ۽ ڪوڙن ڪيسن کان ڊڄڻ وارا ناهيون، جيڪدهن خيرپور پوليس اسان جا نوجوان آزاد نه ڪيا ته اسين هڪ دفعو ٻيهر ٻٻرلوءِ قومي شاهراه بند ڪري اجتماعي خودڪشيون ڪنداسين ۽ ان جو ذميوار سنڌ حڪومت هوندي. هنن سنڌ جي سياسي سماجي تنظيمن توڙي قوم پرست اڳواڻ پير سائين پاڳاري، راشد محمود سومرو، ڊاڪٽر قادر مگسي، نياز ڪلاڻي، رياض چانڊيو، اياز لطيف پليجو سميت سنڌ دوست ڌرين کي آواز اٿارڻ جي اپيل پڻ ڪئي آهي.
0 تبصرے
Do not use vulgar language