اسلام آباد:(جمعو 29 آگسٽ 2025ع)اقتصادي رابطا ڪاميٽي (اي سي سي) يوٽيلٽي اسٽورز ڪارپوريشن جي بندش لاءِ فنڊنگ پلان جي منظوري ڏئي ڇڏي. يوٽيلٽي اسٽورز جي بندش سلسلي ۾ حڪومت 30 ارب 21 ڪروڙ رپين جي گرانٽ منظور ڪئي آهي، ته جيئن هي عمل مڪمل ٿي سگهي. منصوبي تحت بندش دوران ملازمن کي سيورنس پيڪيج، بقاياجات ۽ معاوضن جي ادائيگي ڪئي ويندي. ان سلسلي ۾ صنعت ۽ پيداوار واري وزارت کي هدايت ڪئي وئي آهي ته مالي ضرورتن کي وڌيڪ گهٽائڻ لاءِ قدم کنيا وڃن. اي سي سي جي اجلاس ۾ فيصلو ڪيو ويو ته يوٽيلٽي اسٽورز جا اثاثا ۽ ملڪيتون هن مالي سال ۾ وڪرو ڪيون وينديون ۽ انهن مان حاصل ٿيندڙ رقم سان بندش جا خرچ جزوي طور تي پورا ڪيا ويندا. ڪاميٽي زور ڏنو آهي ته هن عمل کي شفاف ۽ منظم طريقي سان اڳتي وڌايو وڃي.
0 تبصرے
Do not use vulgar language