رياض:(اڱارو 01 جولاءِ 2025ع)عظيم پرتگالي فٽبال رانديگر ۽ سعودي ڪلب النصر جي رانديگر ڪرسٽيانو رونالڊو هميشه لاءِ سعودي عرب ۾ رهڻ جي خواهش جو اظهار ڪيو آهي.
تازو ئي ڪرسٽيانو رونالڊو سعودي ڪلب النصر سان ٻن سالن جو معاهدو ڪيو آهي، جنهن کان پوءِ رونالڊو 2027 تائين سعودي ڪلب النصر جو حصو رهندو.
يوٽيوب تي النصر ڪلب پاران جاري ڪيل هڪ وڊيو ۾، رونالڊو پنهنجي باقي زندگي سعودي عرب ۾ گذارڻ جي خواهش جو اظهار ڪيو.
هن سعودي عرب کي امن جي جاءِ قرار ڏنو ۽ چيو ته هي هڪ اهڙو ملڪ آهي جتي هو ۽ سندس خاندان گهر وانگر محسوس ڪندا آهن.
رونالڊو چيو ته منهنجو خاندان هميشه منهنجي فيصلن جي حمايت ڪري ٿو، ۽ اسان هتي سعودي عرب ۾ خوش آهيون، ماڻهو اسان سان تمام گهڻي گرمجوشي سان پيش ايندا آهن، اهو ئي سبب آهي جو اسان هتي پنهنجي زندگي گذارڻ چاهيون ٿا.
اهو ياد رکڻ گهرجي ته ڪرسٽيانو رونالڊو پهريون ڀيرو 2022 ۾ سعودي عرب جي النصر ڪلب سان معاهدو ڪيو هو. جنهن کان پوءِ هن هاڻي ٻيهر 2 سالن جو معاهدو ڪيو آهي.
هن نئين معاهدي کان پوءِ، پرتگالي اسٽار فٽبالر ڪرسٽيانو رونالڊو کي هاڻي ساليانو 188 ملين يورو ملندا، جيڪو لڳ ڀڳ 61.5 ارب پاڪستاني رپيا آهي.
ميڊيا رپورٽن ۾ چيو ويو آهي ته رونالڊو جي روزاني پگهار 168.4 ملين رپيا هوندي.
0 تبصرے
Do not use vulgar language