شمسي پينل تيز سج جي روشني ۾ گهٽ بجلي پيدا ڪن ٿا، پر ڇو؟ شمسي ماهرن جو نئون انڪشاف

ڪراچي:(اڱارو 29 جولاءِ 2025ع)سج جي روشني مان بجلي پيدا ڪندڙ سولر پينلز جي انسٽاليشن سڄي دنيا ۾ تيزي سان وڌي رهي آهي، جنهن ۾ پاڪستان به شامل آهي. موجوده دور ۾ شمسي توانائي تمام ضروري ٿي چڪي آهي، ڇاڪاڻ ته اها گهرن ۽ ڪاروبارن جي بجلي جي ضرورتن کي پورو ڪرڻ لاءِ صاف ۽ قابل تجديد توانائي جو هڪ مناسب ۽ بهترين ذريعو آهي. ان سان بجلي جي بلن ۾ گهٽتائي، ماحول دوست توانائي جو استعمال ۽ بجلي جي فراهمي ۾ خود ڪفيل ٿيڻ جو سبب بڻجندي آهي. بهرحال، انهن پينلز جي بهتر ڪارڪردگي ۽ حفاظت لاءِ احتياط ڪرڻ پڻ ضروري آهي. عام طور تي اهو سمجهيو ويندو آهي ته سج جيترو روشن هوندو، اوترو ئي وڌيڪ بجلي سولر پينل پيدا ڪندا ڇاڪاڻ ته اهي ڏينهن ۾ ڪم ڪندا آهن ۽ شام ٿيندي ئي بجلي جي پيداوار گهٽائيندا آهن. بهرحال، هن حوالي سان هڪ نئون انڪشاف سامهون آيو آهي. عقل به اهو ئي چوندو، پر شمسي توانائي جي ماهرن عام ماڻهن جي خيال کي رد ڪري ڇڏيو آهي ۽ انڪشاف ڪيو آهي ته جيترو گرمي وڌندي، اوترو ئي بجلي پيدا ڪرڻ لاءِ سولر پينلز جي ڪارڪردگي به گهٽجڻ شروع ٿيندي. ماهرن موجب، جديد سولر پينل 15 کان 25 درجا سينٽي گريڊ تي بهترين ڪم ڪندا آهن. جيڪڏهن گرمي پد 25 درجا سينٽي گريڊ کان مٿي وڌي وڃي ٿو، ته هر 1 درجا واڌ سان پينل جي ڪارڪردگي 0.3 کان 0.5 سيڪڙو گهٽجي ويندي آهي ڇاڪاڻ ته اليڪٽران (ايٽم) جيڪي شمسي سيلن ۾ بجلي پيدا ڪن ٿا، تمام گهڻو اُڇلندا آهن. ان جي نتيجي ۾ وولٽيج گهٽ ۽ بجلي گهٽ ٿيندي آهي.