انڊونيشيا ۾ 6.7 شدت جو خوفناڪ زلزلو

جڪارتا:(سومر 14 جولاءِ 2025ع)انڊونيشيا ۾ 7.0 شدت جو زلزلو آيو، پر ڪو به جاني يا مالي نقصان نه ٿيو. تفصيل موجب، انڊونيشيا جي ٻيٽ تاناه بارات تي زلزلي جا جهٽڪا محسوس ڪيا ويا. زلزلي جي شدت ريڪٽر اسڪيل تي 6.7 رڪارڊ ڪئي وئي، جنهن کان پوءِ ماڻهن ۾ خوف پکڙجي ويو. زلزلو مغربي انڊونيشيا جي وقت مطابق 12:49 وڳي (0549 GMT) آيو، ان جو مرڪز اوڀر مالوڪو صوبي جي ٽول شهر کان 177 ڪلوميٽر اولهه ۾ هو. يو ايس جي ايس چيو ته زلزلو تقريبن 66 ڪلوميٽر (40 ميل) جي کوٽائي تي آيو، ۽ اڃا تائين ڪنهن به جاني يا مالي نقصان جي اطلاع ناهي ملي. پئسفڪ سونامي وارننگ سينٽر پڻ تصديق ڪئي ته سونامي جو ڪو به خطرو ناهي. نيوز ايجنسي موجب، گذريل 24 ڪلاڪن ۾ انڊونيشيا جي مختلف حصن ۾ چار زلزلي جا جهٽڪا محسوس ڪيا ويا آهن. اهو ياد رکڻ گهرجي ته ڪيترائي تباهي ڪندڙ زلزلا اڳ ۾ هزارين جانيون وڃائي چڪا آهن، جنوري 2021 ۾ سولاويسي ۾ 6.2 شدت جي زلزلي سان 100 کان وڌيڪ ماڻهو مارجي ويا ۽ هزارين بي گهر ٿي ويا. 2018 ۾، 7.5 شدت جي زلزلي کانپوءِ سونامي 2,200 کان وڌيڪ ماڻهو مارجي ويا. سڀ کان وڌيڪ خطرناڪ زلزلن مان هڪ 2004 ۾ آيو، جڏهن آچي صوبي ۾ 9.1 شدت جي سمنڊ هيٺ زلزلي هڪ وڏي سونامي کي جنم ڏنو، جنهن ۾ صرف انڊونيشيا ۾ 170,000 کان وڌيڪ ماڻهو مارجي ويا.