نئين دھلي:(اربع 09 جولاءِ 2025ع)مودي سرڪار جي خراب پاليسين، 25 ڪروڙ مزدورن ملڪ گير هڙتال جو اعلان ڪيو.
هندستان جي ڪيترن ئي وڏن شهرن ۾ مزدورن احتجاج ڪيا، پوليس احتجاج ڪندڙن تي لاٺي چارج ڪيو.
احتجاج جي ڪري پوسٽل سروسز، ڪوئلي جي کاڻ، ڪارخانا ۽ رياستي ٽرانسپورٽ جهڙيون اهم خدمتون سخت متاثر ٿيون.
هندستاني ميڊيا موجب، دهلي، ڪولڪتا، چنائي، بنگلورو سميت ڪيترن ئي وڏن شهرن ۾ پبلڪ ٽرانسپورٽ ۽ ريل اسٽيشن بند ڪيا ويا.
پوسٽل سروسز، ڪوئلي جي کاڻ، ٽرانسپورٽ ۽ ڪيترن ئي ٻين شعبن جا مزدور "ڀارت بند" هڙتال ۾ شامل ٿيا، هڙتال جو سڏ هندستان جي 10 مرڪزي ٽريڊ يونينن جي گڏيل فورم تحت ڏنو ويو هو.
هندستاني ميڊيا موجب، ٽريڊ يونينن مودي سرڪار تي "مزدور مخالف، هاري مخالف ۽ ملڪ مخالف پاليسيون" اختيار ڪرڻ جو الزام لڳايو.
ٽريڊ يونينن جو چوڻ آهي ته مهينن جي سخت تيارين کان پوءِ، ملڪ گير هڙتال ڪئي پئي وڃي.
هاري، ڳوٺاڻي مزدور ۽ غير رسمي شعبي جا مزدور به هڙتال ۾ حصو وٺندا. 10 سالن تائين مزدور ڪانفرنس منعقد نه ڪرڻ حڪومت جي بي حسي جو واضح اشارو آهي.
0 تبصرے
Do not use vulgar language