بيجنگ:(سومر 19 مئي 2025ع)چين جو 'ڊرون ڪيريئر' ڊرون جهاز 'جيو تيان' جون جي آخر ۾ پنهنجي پهرين مشن تي وڃڻ لاءِ تيار آهي.
چيني ميڊيا موجب، 'جيوٽين' ڊرون پهريون ڀيرو نومبر 2024 ۾ زوهائي ايئر شو دوران پيش ڪيو ويو هو. اهو هڪ جيٽ سان هلندڙ، ڊگهي فاصلي وارو بغير پائلٽ جهاز آهي جيڪو 15,000 ميٽر (50,000 فوٽ) جي بلندي تي اڏامڻ ۽ 7,000 ڪلوميٽر تائين جو فاصلو طئي ڪرڻ جي صلاحيت رکي ٿو.
هي ڊرون 16 ٽن وزن تائين اڏامي سگهي ٿو ۽ 6 ٽن هٿيار کڻڻ، گولا بارود يا ننڍا خودڪش ڊرون کڻي وڃڻ جي صلاحيت رکي ٿو.
'جيو تيان' پنهنجي اندر 100 ننڍا ڊرون يا هٿيار لانچ ڪري سگهي ٿو، جيڪي دشمن جي دفاعي نظام کي تباهه ڪرڻ لاءِ استعمال ٿي سگهن ٿا. هي نظام 'سوارمنگ' جي تصور تحت ڪم ڪري ٿو، جنهن ۾ ڊرون جو هڪ وڏو تعداد هڪ ئي وقت دشمن خلاف ڪارروائي ڪري ٿو.
'جيو تيان' ۾ 8 هارڊ پوائنٽس آهن جن تي مختلف قسمن جا هٿيار ۽ سينسر نصب ڪري سگهجن ٿا. هي ڊرون انٽيليجنس، نگراني، جاسوسي، اليڪٽرانڪ جنگ، ايمرجنسي جواب، سرحد ۽ ساحلي دفاع، سامونڊي نگراني، ۽ قيمتي زميني وسيلن جي تحفظ جهڙن مقصدن لاءِ استعمال ٿي سگهي ٿو.
هي ڊرون چين جي سرڪاري ملڪيت واري ايرو اسپيس ڪمپني، ايوي ايشن انڊسٽري ڪارپوريشن آف چائنا (AVIC) پاران ٺاهيو ويو هو.
'جيو تيان' جي ڪارگو سيڪشن جي ماڊيولر ڊيزائن هن ڊرون کي مختلف مشنن لاءِ موزون بڻائي ٿي.
0 تبصرے
Do not use vulgar language