مرحوم اداڪاره عائشه خان جي زندگي بابت بشريٰ انصاري جو انڪشاف

ڪراچي:(اڱارو 24 جون 2025ع)پاڪستان شوبز انڊسٽري جي مشهور اداڪارا بشرا انصاري مرحوم اداڪارا عائشه خان جي زندگي بابت انڪشاف ڪيو آهي. گذريل هفتي، سينئر اداڪارا عائشه خان جو هڪ هفتو پراڻو لاش ڪراچي جي گلشن اقبال علائقي ۾ هڪ فليٽ مان مليو، جنهن تي سندس ٻارن ۽ گهر وارن کي سوشل ميڊيا تي تنقيد جو منهن ڏسڻو پيو. بشرا انصاري پنهنجي سوشل ميڊيا اڪائونٽ انسٽاگرام تي هڪ وڊيو شيئر ڪئي ۽ پنهنجن خيالن جو اظهار ڪندي چيو ته مان ڪجهه ڏينهن کان ميڊيا ۾ عائشه خان آپا بابت ٻڌي رهي آهيان، مون کي سندس موت تي ڏک آهي ۽ شرم به آهي ته اسان کيس ڇو نه ڏٺو. اداڪارا چيو ته مون کي حيرت آهي ته ماڻهو پنهنجا وِلاگ ٺاهڻ لاءِ معاملي کي ڪيئن وڌائي پيش ڪن ٿا ۽ ڪيتريون ئي اهڙيون ڳالهيون ڪري رهيا آهن جيڪي سچ نه آهن، مون 5 سال اڳ عائشه آپا سان ڪم ڪيو هو ۽ جڏهن مون ٻارن بابت پڇيو ته هن چيو ته سندس ٻار پرڏيهه ۾ رهن ٿا، ٻار مون کي چوندا آهن ته اسان سان گڏ رهو پر مون کي اهڙو محسوس نه ٿيندو آهي، ٻار مون کي پئسن جي تڪليف نه ٿا ڏين ۽ مان ڪراچي ۾ پنهنجي دوستن جي حلقي سان خوش آهيان. بشريٰ انصاري وڌيڪ چيو ته سندس ٻارن تي الزام نه لڳايو، ان سان انهن کي به ڏک ٿيندو، عائشه آپا جي ابدي سڪون لاءِ دعا ڪريو. ياد رهي ته عائشه خان جي عمر 77 سال هئي، هن ڪيترن ئي ڪامياب ڊرامن ۾ ڪم ڪيو، سندس مشهور ڊرامن ۾ افشان، عروسه، فيملي 93 ۽ مهندي شامل آهن. عائشه خان خالده رياض جي وڏي ڀيڻ هئي ۽ گذريل ڪيترن سالن کان ڊرامن کان پري هئي.