سنڌ ۾ هن سال ڊينگي سبب پهرين فوتگي جي رپورٽ

ڪراچي:(سومر 30 جون 2025ع)سنڌ صوبي ۾ هن سال ڊينگي جي پهرين موت جي رپورٽ ٿي آهي. جيو نيوز موجب، سنڌ متعدي بيمارين جي اسپتال ۾ هڪ ڊينگي جو مريض فوت ٿيو ۽ هي هن سال سنڌ ۾ ڊينگي جي پهرين موت آهي. اسپتال انتظاميا موجب، 24 سالن جو مريض 2 ڏينهن کان وينٽيليٽر تي هو ۽ سندس پليٽليٽس گهٽجي 32,000 ٿي ويا هئا. اسپتال انتظاميا جو چوڻ آهي ته هڪ صحتمند شخص ۾ پليٽليٽس جو تعداد 1.5 کان 4.5 لک تائين هوندو آهي. ٻئي طرف، صحت کاتي جو چوڻ آهي ته هن سال سڄي سنڌ ۾ ڊينگي جا 295 ڪيس رپورٽ ٿيا آهن، جن مان 260 ڪيس ڪراچي مان ڊينگي وائرس جا رپورٽ ٿيا آهن.