اسرائيل ڪنهن به وقت ايران تي حملو ڪري سگهي ٿو: آمريڪي ميڊيا جو دعويٰ

نيويراڪ:(خميس 12 جون 2025ع)آمريڪي ميڊيا دعويٰ ڪئي آهي ته اسرائيل ڪنهن به وقت ايران تي حملو ڪري سگهي ٿو. آمريڪي ميڊيا هڪ رپورٽ ۾ دعويٰ ڪئي آهي ته اسرائيل ڪنهن به وقت ايران تي حملو ڪري سگهي ٿو ۽ اسرائيل آمريڪا کي ايران تي حملي کان اڳ ۾ ئي آگاهه ڪري ڇڏيو هو. اسرائيلي عملدارن آمريڪا کي ٻڌايو ته اسرائيل ايران ۾ ڪارروائي لاءِ مڪمل طور تي تيار آهي رپورٽ موجب، اسرائيلي عملدارن آمريڪا کي ٻڌايو ته اسرائيل ايران ۾ ڪارروائي لاءِ مڪمل طور تي تيار آهي. آمريڪي ميڊيا موجب، ايران اسرائيلي حملي جي جواب ۾ عراق ۾ آمريڪي هنڌن تي حملو ڪري سگهي ٿو، جنهن ڪري آمريڪا وچ اوڀر ۾ پنهنجي ڪجهه شهرين کي فوري طور تي اتان نڪرڻ جي هدايت ڪئي آهي. ان کان علاوه، آمريڪي دفاع واري کاتي، پينٽاگون، فوجي خاندانن کي رضاڪارانه طور تي وچ اوڀر ڇڏڻ جو اختيار ڏنو آهي. ٻئي طرف، ايران-اسرائيل تڪرار جي ڪري، آمريڪي دفاع واري سيڪريٽري ڪالهه وچ اوڀر مان پنهنجي غير سفارتي اهلڪارن جي رضاڪارانه طور تي واپسي جي منظوري ڏني. آمريڪي عهديدار چيو ته سپاهين ۽ انهن جي خاندانن جي حفاظت ۽ سلامتي اسان جي ترجيح آهي. ايران جو خطرو ان کان علاوه، ايران آمريڪا کي خبردار ڪيو آهي ته جيڪڏهن آمريڪا سان تڪرار پيدا ٿئي ٿو، ته اهو خطي ۾ سڀني آمريڪي فوجي اڏن کي نشانو بڻائيندو. ايراني دفاع واري وزير چيو ته کيس اميد آهي ته صورتحال ان نقطي تي نه پهچندي ۽ ڳالهين مان مثبت نتيجا حاصل ٿيندا، پر جيڪڏهن ائين نه ٿيو ۽ ايران تي جنگ مسلط ڪئي وئي ته دشمن جو نقصان ايران کان گهڻو وڌيڪ هوندو. ايران-آمريڪا ايٽمي معاهدي جي ڪوشش ايران ۽ آمريڪا هن وقت يورينيم جي افزودگي جي مسئلي تي سخت سفارتي ڇڪتاڻ ۾ آهن. ايران ۽ آمريڪا اپريل کان وٺي ڳالهين جا پنج دور منعقد ڪيا آهن ته جيئن 2015 جي ايٽمي معاهدي کي تبديل ڪرڻ لاءِ هڪ نئين معاهدي تي پهچڻ جي ڪوشش ڪئي وڃي. آمريڪا ۽ ايران جي وچ ۾ ايٽمي ڳالهين جو ڇهون دور آچر تي مسقط ۾ ٿيڻ جو امڪان آهي.