ڪراچي:(آچر 25 مئي 2025ع)ڪراچي ۾ اڄ کان گرمي جي شدت ۾ وڌيڪ واڌ جو امڪان آهي.
موسميات کاتي چيو آهي ته ڪراچي ۾ ايندڙ 24 ڪلاڪن تائين موسم انتهائي گرم ۽ نم رهڻ جو امڪان آهي، اڄ شهر ۾ وڌ کان وڌ گرمي پد 40 ڊگري سينٽي گريڊ تائين پهچي سگهي ٿو.
موسميات کاتي جو چوڻ آهي ته ڏينهن ۾ تيز سج ۽ سامونڊي هوائن جو امڪان آهي، جنهن جي ڪري سمنڊ جي ويجهو علائقن ۾ گرمي پد 45 ڊگري تائين پهچي سگهي ٿو.
موسميات کاتي وڌيڪ چيو ته اولهه کان 17 ڪلوميٽر في ڪلاڪ جي رفتار سان هوائون هلي رهيون آهن ۽ هوا ۾ نمي جو تناسب هن وقت 74 سيڪڙو آهي.
ٻئي طرف، موسمياتي تجزيه نگار عربي سمنڊ ۾ سرگرمي جي حوالي سان چيو ته هن وقت هندستاني رياست مهاراشٽرا جي مٿان هوا جو گهٽ دٻاءُ آهي، ۽ هن سسٽم مان سنڌ ۾ مينهن جو ڪو به امڪان ناهي.
موسميات جي تجزيه نگار وڌيڪ چيو ته شهر سڄي هفتي گرم رهڻ جو امڪان آهي، اربع کان جمعي تائين گرمي پد 40 کان 41 ڊگري سينٽي گريڊ تائين رهڻ جو امڪان آهي.
0 تبصرے
Do not use vulgar language