نيپرا سڄي ملڪ ۾ بجلي جي اگهن ۾ گهٽتائي ڪري ڇڏي، نوٽيفڪيشن جاري

اسلام آباد: (خمیس 06 مارچ 2025ع)نيپرا مهيني وار ايڊجسٽمينٽ ذريعي ملڪ گير بجلي جي قيمتن ۾ گهٽتائي ڪئي. ڪراچي کانسواءِ ملڪ جي باقي علائقن لاءِ بجلي 2.12 رپيا في يونٽ گهٽ ڪئي وئي آهي، جڏهن ته ڪراچي لاءِ بجلي جي قيمت ۾ 3 رپيا في يونٽ گهٽتائي ڪئي وئي آهي. نيپرا بجلي جي قيمتن ۾ گهٽتائي جو نوٽيفڪيشن به ماهوار ايڊجسٽمينٽ ۾ جاري ڪري ڇڏيو آهي، نوٽيفڪيشن تحت صارفين کي مارچ جي بلن ۾ بجلي جي قيمتن ۾ گهٽتائي جو رليف ملندو. نوٽيفڪيشن موجب، ڪي-اليڪٽرڪ لاءِ بجلي جون قيمتون ڊسمبر 2024 جي ماهوار ترتيب ۾ گهٽ ڪيون ويون هيون، جڏهن ته ملڪ جي باقي علائقن لاءِ، جنوري 2025 جي ترتيب ۾ بجلي جون قيمتون گهٽايون ويون هيون. ڪي اليڪٽرڪ بجلي جي قيمت ۾ 4.95 رپيا في يونٽ گهٽتائي جي درخواست ڪئي هئي.