غزہ:(اڱارو 09 سيپٽمبر 2025ع)7 آڪٽوبر 2023 کان وٺي غزه ۾ اسرائيلي حملن ۾ شهيدن جو ڪُل تعداد 64,522 تائين پهچي ويو آهي، جڏهن ته 163,096 ماڻهو زخمي ٿيا آهن.
ساڳئي وقت، قبضي هيٺ يروشلم ۾ فائرنگ ۾ 6 اسرائيلي مارجي وڃڻ کان پوءِ، صهيونستي فوج اولهه ڪناري ۾ ڪارروائي تيز ڪري ڇڏي.
قابض فوج جنين ڪئمپ ۾ هڪ نام نهاد سرچ آپريشن جي آڙ ۾ 2 چوڏهن سالن جي فلسطيني نوجوانن کي شهيد ڪيو، ۽ اسرائيلي فوج جي حملي ۾ ڪيترائي فلسطيني زخمي ٿيا.
حماس غزه ۾ جنگ بندي لاءِ نئين تجويزن تي متفق آهي
آمريڪي صدر ڊونلڊ ٽرمپ غزه ۾ جنگ بندي لاءِ نئين تجويزون پيش ڪيون آهن.
آمريڪي تجويزن ۾ هزارين فلسطيني قيدين جي آزادي ۽ سڀني اسرائيلي يرغمالين جي آزادي جي بدلي ۾ جنگ بندي شامل آهي.
فلسطيني مزاحمتي تنظيم حماس نئين آمريڪي تجويزن جو استقبال ڪيو ۽ هڪ معاهدي لاءِ ڳالهين لاءِ تياري جو اظهار ڪيو.
جنگ بندي بابت اسرائيل جي هٺ ڌرمي برقرار آهي، اسرائيلي عملدارن جو چوڻ آهي ته اهي هڪ اهڙي معاهدي لاءِ تيار آهن جنهن ۾ حماس جو هٿيار ڦٽا ڪرڻ شامل هجي.
0 تبصرے
Do not use vulgar language