وڳڻ ويجهو ڳوٺاڻن کان ڦر ڪندڙ ڦورو ساٿين جي فائرنگ ۾ مارجي ويو، هڪ زخمي

وڳڻ:(خميس 28 آگسٽ 2025ع)وڳڻ لڳ انڊس هاءِ وي باءِ پاس روڊ تي پکو واسي ۽ گٺ شاخ واسي موٽر سائيڪل سوارن کان ٽن ھٿياربندن پاران مبينا موٽرسائيڪل ڦر ڪرڻ جي ڪوشش دوران مزاحمت ڪرڻ تي ڦورن پاران فائرنگ ھڪ ڄڻو اڪبر علي چولياڻي زخمي جڏھن ته 2 ڦورو پڻ زخمي ٿي پيا اطلاع تي وڳڻ پوليس پھچي زخمي مبينا ڦورو کي کڻائي وڳڻ جي سرڪاري اسپتال پھچايو جتي زخمي ٿيل هڪ ڦورو زخمن جي سٽ نه سھندي فوت ٿي ويو، فوت ٿيل ڦورو جي سڃاڻپ ڳوٺ جامڪ چانڊيو واسي نوجوان فياض چانڊيو طور ٿي آھي جڏھن ته مبينا ڦورو جو لاش اسپتال ۾ پيل آھي، ھوڏانھن زخمي ٿيل ڳوٺاڻي علي اڪبر چولياڻي ۽ اڪبر علي مغيري ٻڌايو تہ اسان وڳڻ کان پکو طرف وڃي رھيا ھئاسين تہ ٻٽون پھريل 3 موٽرسائيڪل سوار ڦورن ڦر ڪرڻ جي ڪوشش ڪئي جڏهن تہ مزاحمت ڪرڻ تي ڦورن پاران فائرنگ ڪري ڏني جنھن دوران اڪبر علي چولياڻي زخمي ٿي پيو جڏهن ته ڦورن جي پنھنجي فائرنگ ۾ ھڪ ڦورو مارجي ويو آھي، ھوڏانھن ٻئي پاسي زخمي ٿيل ڳوٺاڻي اڪبر علي چولياڻي ۽ اڪبر علي مغيري جا مٽ مائٽ ۽ علائقي واسي وڏي انگ ۾ اسپتال پھچي ويا، زخمي ٿيل ڳوٺاڻي علي اڪبر چولياڻي کي ڊاڪٽرن پاران ميڊيڪل ليٽر ڏي کيس وڌيڪ علاج لاءِ لاڙڪاڻو ٽراما سينٽر منتقل ڪري ڇڏيو آھي، ٻئي پاسي ذريعن وٽان معلوم ٿيو آھي ته ڦر دوران 2 ڦورو ڀڄي ويا ھئا انھن مان به هڪ زخمي ٿيل آهي جنھن جو به علاج هلندڙ آهي، ٻئي طرف رابطو ڪرڻ تي ڊي ايس پي نصيرآباد ايٽ وڳڻ غلام مزمل سومرو ٻڌايو ته اسان کي جيئن ئي واقعي بابت اطلاع مليو ته اسان ناڪابندي ڪندي پنهنجي پوليس به فرار ٿيل ڦورن جي پويان لڳل آھي انشاءَ الله جلد انهن کي به گرفتار ڪيو ويندو، هنن وڌيڪ چيو ته مبينا مارجي ويل ڦورو پنھنجي ساٿي ڦورن جي فائرنگ ۾ سخت زخمي ٿي پيو جيڪو بعد ۾ فوت ٿي ويو آهي، هن وڌيڪ چيو ته مختلف ٿاڻن جي پوليس نفري سان گڏ فوت ٿيل ڦورو جي ڳوٺ وڃي رھيا آھيون ٻئي طرف آخري اطلاعن تائين فوت ٿيل ڦورو جو لاش وڳڻ اسپتال ۾ پيل ھو ۽ واقعي جو ڪيس پڻ داخل نٿي سگھيو ھو.هواڏانهن ڦُر دوران مارجي ويل مبينا ڦورو نوجوان فياض چانڊيو جو لاش ڇھ ڪلاڪن کان پوءِ وارث 2 عورتون ۽ پيرسن گاڏي ذريعي پنهنجي ڳوٺ جامڪ چانڊيو کڻائي ويا.