غزہ:(جمعو 15 آگسٽ 2025ع)فلسطيني مزاحمتي تنظيم حماس اڄ غضب جي ڏينهن جو اعلان ڪيو آهي.
حماس اڳواڻ چيو آهي ته غضب جو ڏينهن غزه جي حمايت ۽ اسرائيلي الحاق جي منصوبن جي مخالفت ۾ ملهايو ويندو.
حماس چيو ته عوام کي غزه ۾ جاري جنگ، ناڪي بندي ۽ بک جي خلاف اٿڻ گهرجي، ۽ الحاق جي منصوبن کي عوامي عزم ۽ مسلسل مزاحمت سان ناڪام بڻايو ويندو.
حماس سڀني فلسطيني گروهن ۽ سول سوسائٽي کي اپيل ڪئي آهي ته اهي اتحاد جو مظاهرو ڪن.
ٻئي طرف، غزه ۾ تازين اسرائيلي حملي ۾ 54 وڌيڪ فلسطيني شهيد ۽ 831 زخمي ٿيا، جن ۾ 10 فلسطيني امداد جي انتظار ۾ هئا. غزه شهر جي زيتون پاڙي ۾ هڪ گهر تي بمباري ۾ اٺ شهري شهيد ۽ ڪيترائي زخمي ٿيا.
0 تبصرے
Do not use vulgar language