هيلري ڪلنٽن پاران يوڪرين جنگ بند ڪرائڻ تي ٽرمپ کي نوبل امن انعام لاءِ نامزد ڪرڻ جو اعلان

واشڻگٽن:(ڇنڇر 16 آگسٽ 2025ع)ڊيموڪريٽڪ اڳواڻ هيلري ڪلنٽن اعلان ڪيو آهي ته هوءَ يوڪرين جي جنگ کي ختم ڪرڻ تي ٽرمپ کي نوبل امن انعام لاءِ نامزد ڪندي. اڳوڻي آمريڪي پرڏيهي وزير ۽ ڊيموڪريٽڪ اڳواڻ هيلري ڪلنٽن سوشل ميڊيا پليٽ فارم ايڪس تي لکيو ته يوڪرين جي جنگ جو پرامن خاتمو هڪ تاريخي قدم هوندو، ٽرمپ تڪرار کي خونريزي جي طور تي بيان ڪري ٿو، جيڪو مسلسل وڌندڙ خطرن سان ڀريل آهي. هيلري ڪلنٽن چيو آهي ته صدر ٽرمپ هن 3 سال ۽ 6 مهينن جي جنگ ۾ جنگ بندي لاءِ زور ڏئي رهيو آهي، جيڪو عالمي امن ساز جي حيثيت سان سندس شهرت کي مضبوط ڪري سگهي ٿو ۽ ان عمل ۾ ڪو به يوڪريني علائقو نه ڇڏي سگهي ٿو. اڳوڻي آمريڪي پرڏيهي وزير پنهنجي پيغام ۾ لکيو ته جيڪڏهن صدر ڊونلڊ ٽرمپ يوڪرين تي روسي صدر ولاديمير پيوٽن جي جنگ کي ختم ڪرڻ ۾ ڪامياب ٿي وڃي ٿو، ته هوءَ پاڻ ٽرمپ کي نوبل امن انعام لاءِ نامزد ڪندي.