ڪراچي ۾ ڀارتي ڳجهي ايجنسي ”را“ جو وڏو نيٽ ورڪ پڪڙيو ويو

ڪراچي:(ڇنڇر 23 آگسٽ 2025ع)پاڪستان جي جاچ ادارن هندستان جي بدنام زمانه انٽيليجنس ايجنسي را جي هڪ وڏي نيٽ ورڪ کي پڪڙيو آهي. ايڊيشنل آءِ جي سي ٽي ڊي سنڌ ۽ ڊي آءِ جي ڪراچي ۾ پريس ڪانفرنس ڪندي چيو ته 18 مئي 2025 تي بدين جي ماتلي ۾ هڪ شهري جو قتل ڪيو ويو. مقتول علائقي ۾ پنهنجي خيراتي ڪمن لاءِ مشهور هو. اي آءِ جي آزاد خان چيو ته واقعي جي سي سي ٽي وي فوٽيج ۾ 3 شڪي ماڻهو نظر آيا، اکين ڏٺن شاهدن به شڪي ماڻهن کي ڏٺو، قتل جي الزام ۾ ٻن شڪي ماڻهن کي گرفتار ڪيو ويو ۽ واقعي ۾ استعمال ٿيندڙ پستول ۽ موٽرسائيڪلون انهن جي قبضي مان هٿ ڪيون ويون. هن چيو ته جاچ دوران اهو ظاهر ٿيو ته قتل جي منصوبابندي سنجي نالي هڪ ڀارتي ايجنٽ ڪئي هئي. حملي جو ماسٽر مائينڊ سنجي سنجي ڪمار عرف فوجي هڪ خليجي رياست ۾ رهي ٿو ۽ شيخوپوره جي رهواسي سلمان کي نوڪري تي رکيو. ايڊيشنل آءِ جي سي ٽي ڊي آزاد خان چيو ته را هن واقعي لاءِ وڏي رقم خرچ ڪئي ۽ سنجي پرڏيهه مان قتل کي سنڀاليو. ڀارتي ميڊيا به هن قتل جو جشن ملهايو.