مشهور فلسطيني ڪارڪن ۽ استاد عوده محمد کي قبضي هيٺ اولهه ڪناري ۾ قتل ڪيو ويو

ويسٽ بينڪ:(اڱارو 29 جولاءِ 2025ع)اسرائيلي فوجين قبضي هيٺ اولهه ڪناري ۾ مشهور فلسطيني ڪارڪن ۽ استاد عوده محمد کي گوليون هڻي قتل ڪري ڇڏيو. فلسطيني وزارت تعليم چيو ته اسرائيلي آبادگارن سومر تي قبضي هيٺ اولهه ڪناري ۾ آسڪر ايوارڊ يافته فلم سان لاڳاپيل هڪ فلسطيني ڪارڪن کي قتل ڪري ڇڏيو. وزارت سوشل ميڊيا تي هڪ بيان ۾ چيو ته عوده محمد هثالين کي آبادگارن ڏکڻ قبضي هيٺ علائقي ۾ هيبرون جي ويجهو ام الخير ڳوٺ تي حملي دوران گوليون هڻي قتل ڪيو. عوده آسڪر ايوارڊ يافته دستاويزي فلم "NO OTHER LAND" جي تياري ۾ پڻ اهم ڪردار ادا ڪيو، جيڪا اسرائيلي سپاهين ۽ آبادگارن پاران فلسطيني برادري تي حملن جي تاريخ بيان ڪري ٿي.