ترڪي جي وڏي شهر ۾ خوفناڪ باهه پکڙجي وئي

برسا:(آچر 27 جولاءِ 2025ع)ترڪي ۾ هڪ خوفناڪ ٻيلي جي باهه ملڪ جي چوٿين وڏي شهر بورسا ڏانهن تيزي سان وڌي رهي آهي. ترڪي ۾ ڪيترن ئي هفتن کان لڳل جهنگلي باهه هاڻي ملڪ جي چوٿين وڏي شهر کي پنهنجي لپيٽ ۾ آڻي ڇڏيو آهي، جنهن جي ڪري 1,700 کان وڌيڪ ماڻهو پنهنجا گهر ڇڏي ڀڄي ويا آهن. اتر اولهه ترڪي ۾ بورسا جي چوڌاري ٻيلي جي جبلن ۾ باهه آچر تي رات جو تيزي سان پکڙجي وئي. حڪومت جمعي تي ٻن اولهه صوبن ازمير ۽ بلديئي کي آفت جو علائقو قرار ڏنو، جتي جون جي آخر کان وٺي ٻيلي ۾ باهه بار بار ڀڙڪي رهي آهي. بورسا جي گورنر آفيس آچر تي هڪ بيان ۾ چيو ته اتر اوڀر ڳوٺن مان 1,765 ماڻهن کي محفوظ طور تي ڪڍيو ويو آهي ۽ 1,900 کان وڌيڪ فائر فائٽر باهه وسائڻ جي ڪوشش ڪري رهيا آهن. آفيسرن چيو ته 500 بچاءُ ڪندڙ ڪارڪن پڻ زمين تي هئا. ارد گرد جي ٻيلن ۾ باهه لڳڻ سبب برسا کي راڄڌاني انقره سان ڳنڍيندڙ هاءِ وي بند ٿي ويو. صوبي جي مخالف ڌر جي ميمبر اورهان سريبل، منظر کي "قيامت جو ڏينهن" قرار ڏنو.