واشنگٽن / تل ابيب:(جمعو 25 جولاءِ 2025ع)آمريڪا ۽ اسرائيل مصر ۽ قطر جي ثالثي ۾ دوحا ۾ ٿيندڙ غزه جنگ بندي ڳالهين مان پنهنجا وفد واپس وٺي ڇڏيا آهن.
هڪ پرڏيهي نيوز ايجنسي جي مطابق، آمريڪا ۽ اسرائيل خميس ڏينهن غزه ۾ جنگ بندي بابت قطر ۾ ٿيندڙ ڳالهين مان پنهنجا وفد واپس وٺي ڇڏيا آهن.
اسرائيلي وزيراعظم جي آفيس موجب، حماس پاران ڪالهه جنگ بندي معاهدي تي پنهنجو جواب جمع ڪرائڻ کان پوءِ ڳالهين ڪندڙن کي صلاح مشوري لاءِ واپس گهرايو ويو آهي.
نيوز ايجنسي جي مطابق، آمريڪا جي خاص نمائندي اسٽيو وِٽڪوف چيو ته ثالثن تمام گهڻي ڪوشش ڪئي، پر حماس جا نيڪ ارادا ۽ غزه جنگ بندي جي خواهش نظر نه آئي. هاڻي اسان يرغمالين جي واپسي ۽ غزه جي ماڻهن لاءِ هڪ مستحڪم ماحول آڻڻ لاءِ متبادل طريقن تي غور ڪنداسين.
اسرائيلي وزيراعظم نتنياهو اڳ ۾ چيو هو ته سندس حڪومت اڃا تائين جنگ بندي چاهي ٿي. هن حماس تي جنگ جي خاتمي ۾ رڪاوٽ وجهڻ جو الزام به لڳايو.
اهو ياد رکڻ گهرجي ته ثالث ٻن هفتن کان وڌيڪ عرصي کان دوحا ۾ اسرائيلي ۽ حماس جي وفدن جي وچ ۾ ڳالهين ۾ مصروف آهن، پر ڳالهين ۾ ڪا به وڏي پيش رفت نه ٿي آهي.
حماس ڪالهه ثالثن کي پنهنجو جواب جمع ڪرايو هو، جنهن ۾ تجويز ڪيل جنگ بندي معاهدي جي منظوري ڏني وئي هئي.
نيوز ايجنسي سان ڳالهائيندي، هڪ فلسطيني ذريعن چيو ته حماس امداد جي رسائي، انهن علائقن جي نقشن، جتان اسرائيلي فوج کي ڪڍڻو آهي، ۽ جنگ جي مستقل خاتمي جي ضمانت سان لاڳاپيل شقن ۾ ترميمون تجويز ڪيون هيون.
0 تبصرے
Do not use vulgar language