ڪريملن:(جمعو 04 جولاءِ 2025ع)روسي فوج تصديق ڪئي آهي ته روسي بحريه جو ڊپٽي چيف آف اسٽاف، ميجر جنرل ميخائل گڊڪوف، يوڪريني سرحد جي ويجهو ڪرسڪ علائقي ۾ هڪ حملي ۾ مارجي ويو.
روسي دفاع وزارت موجب، هو جنگي آپريشن ۾ مارجي ويو. گڊڪوف کي صدر ولاديمير پيوٽن مارچ 2025 ۾ هن اعليٰ فوجي عهدي تي مقرر ڪيو هو.
ذريعن موجب، حملو ڪرسڪ ۾ ڪورينيو شهر جي ويجهو هڪ روسي ڪمانڊ پوسٽ تي ڪيو ويو، جيڪو يوڪرين جي سمي علائقي کان صرف 30 ڪلوميٽر پري آهي. غير تصديق ٿيل رپورٽن موجب، اهو يوڪريني ميزائل حملو هو.
پرائمورسڪي علائقي جي گورنر، اوليگ ڪزمياڪو، پنهنجي ٽيليگرام پيغام ۾ تصديق ڪئي ته حملي ۾ 10 وڌيڪ روسي سپاهي پڻ مارجي ويا، گڊڪوف کي هڪ وفادار ۽ بهادر آفيسر قرار ڏنو.
ميخائل گڊڪوف اڳ ۾ روس جي پئسفڪ فليٽ جي 155 هين نيول انفنٽري برگيڊ جي ڪمانڊ ڪئي هئي، جيڪا اوڀر يوڪرين ۽ بعد ۾ ڪرسڪ علائقي ۾ سخت ويڙهه ۾ مصروف رهي آهي.
کيس 2023 جي آخر ۾ روس جي اعليٰ ترين فوجي ايوارڊ، گولڊ اسٽار هيرو سان نوازيو ويو، جيڪو هن فيبروري 2025 ۾ ڪريملن ۾ صدر پيوٽن کان حاصل ڪيو.
0 تبصرے
Do not use vulgar language