چلاس:(ڇنڇر 26 جولاءِ 2025ع)چلاس ۾ لينڊ سلائيڊنگ سبب سياحتي هنڌ فيري ميڊوز ڏانهن ويندڙ رستو بند ٿيڻ کان پوءِ ڦاٿل سياحن کي بچائڻ لاءِ بچاءُ جون ڪارروايون جاري آهن.
ذريعن موجب، فيري ميڊوز ۾ ڦاٿل سياحن کي ڪالهه هيلي ڪاپٽر ذريعي بچايو ويو، پر خراب موسم جي ڪري هيلي ڪاپٽر سروس معطل ڪئي وئي.
پوليس موجب، لينڊ سلائيڊنگ سبب چلاس روڊ به ڪيترن ئي هنڌن تي بند آهي ۽ ٿرمنيار ۾ لينڊ سلائيڊنگ سبب قراقرم هاءِ وي کي عارضي طور تي بند ڪيو ويو آهي.
پوليس جو چوڻ آهي ته سياحن کي روڊ ذريعي به بچايو پيو وڃي ۽ وڏي تعداد ۾ سياح اڃا تائين ڦاٿل آهن.
ان حوالي سان ڊپٽي ڪمشنر چيو ته اين ڊي ايم اي ٽيم متاثر علائقن ۾ پهچي چڪي آهي، ۽ پاڪستان آرمي سميت ٻيا ادارا گم ٿيل ماڻهن جي ڳولا لاءِ آپريشن ۾ حصو وٺي رهيا آهن.
0 تبصرے
Do not use vulgar language