پئرس:(جمعو 25 جولاءِ 2025ع)فرانسيسي صدر ايمانوئل ميڪرون چيو آهي ته فرانس سيپٽمبر ۾ فلسطين کي تسليم ڪندو، اهو فيصلو وچ اوڀر ۾ هڪ منصفانه ۽ پائيدار امن لاءِ ڪيو ويو آهي.
پرڏيهي ميڊيا جي رپورٽن موجب، فرانس وچ اوڀر ۾ امن قائم ڪرڻ لاءِ اهم اڳڀرائي ڪئي آهي، فرانسيسي صدر فلسطين جي رياست کي تسليم ڪرڻ جو فيصلو ڪيو آهي.
فرانسيسي صدر ايمانوئل ميڪرون چيو ته هو سيپٽمبر ۾ گڏيل قومن جي جنرل اسيمبلي کي پنهنجي خطاب ۾ فلسطيني رياست کي قبول ڪرڻ جو باضابطه اعلان ڪندو.
هن سوشل ميڊيا تي فلسطيني صدر محمود عباس کي لکيل هڪ خط شيئر ڪيو، جنهن ۾ هن لکيو ته وچ اوڀر ۾ هڪ مستقل ۽ منصفانه امن لاءِ، فرانس فلسطين جي رياست کي تسليم ڪرڻ جو فيصلو ڪيو آهي.
فرانسيسي صدر لکيو ته اسان کي فوري جنگ بندي، سڀني يرغمالين جي آزادي ۽ غزه جي ماڻهن لاءِ وڏي پيماني تي انساني امداد جي ضرورت آهي. حماس کي غير مسلح ڪرڻ، غزه کي محفوظ ۽ ٻيهر تعمير ڪرڻ، انهي سان گڏ هڪ فلسطيني رياست جو قيام خطي ۾ مستقل امن جي واحد ضمانت ٿي سگهي ٿو.
فرانسيسي صدر چيو ته فرانسيسي عوام وچ اوڀر ۾ امن چاهين ٿا، ۽ هاڻي وقت آهي ته يورپي ۽ بين الاقوامي ڀائيوارن سان گڏجي ثابت ڪيو وڃي ته امن ممڪن آهي.
0 تبصرے
Do not use vulgar language