فرانس جي فلسطيني رياست کي تسليم ڪرڻ جي اعلان بابت سعودي عرب ڇا چيو؟

ریاض:(جمعو 25 جولاءِ 2025ع)فرانس جي فلسطيني رياست کي تسليم ڪرڻ جي اعلان تي سعودي عرب جو ردعمل سامهون آيو آهي. عرب نيوز جي هڪ رپورٽ موجب، فرانسيسي صدر ايمانوئل ميڪرون پنهنجي تازي بيان ۾ چيو آهي ته هن وچ اوڀر ۾ هڪ منصفانه ۽ پائيدار امن لاءِ فلسطيني رياست کي تسليم ڪرڻ جو فيصلو ڪيو آهي. فلسطيني اٿارٽي جي نائب صدر حسين الشيخ صدر ايمانوئل ميڪرون جي اعلان جو استقبال ڪيو ۽ سندس شڪريو ادا ڪيو. اهو پڻ پڙهو: فرانس جو سيپٽمبر ۾ فلسطيني رياست کي تسليم ڪرڻ جو اعلان هاڻي سعودي پرڏيهي وزارت پڻ ايمانوئل ميڪرون جي اعلان جي تعريف ڪئي آهي ۽ چيو آهي ته اميد آهي ته ٻيا ملڪ به ساڳئي طرف قدم کڻندا. سعودي عرب ۽ فرانس 28-29 جولاءِ تي ٻن رياستي حل تي هڪ بين الاقوامي ڪانفرنس جي ميزباني ڪندا، پر آمريڪا اعلان ڪيو آهي ته هو ڪانفرنس ۾ حصو نه وٺندو. اي ايف پي نيوز ايجنسي جي هڪ رپورٽ موجب، هاڻي لڳ ڀڳ 142 ملڪ فلسطيني رياست جي حمايت ڪري رهيا آهن. سعودي عرب سڀني ملڪن تي زور ڏنو آهي ته اهي امن ۽ فلسطيني عوام جي حقن جي حمايت ۾ سنجيده موقف اختيار ڪن. اسرائيل هن وقت غزه ۾ نه رڳو تباهي مچائيندڙ فوجي مهم هلائي رهيو آهي، پر ان فلسطينين جي کاڌي تائين رسائي کي به روڪيو آهي، جنهن جي ڪري هزارين ٻار غذائي کوٽ جو شڪار آهن.