اٽلي ۾ هاءِ وي تي ننڍو جهاز ڪري تباهه، حادثي جي دل ڏاريندڙ وڊيو به سامهون اچي وئي

بريشيا:(اربع 23 جولاءِ 2025ع)اڱاري ڏينهن اتر اٽلي جي صوبي بريشيا ۾ هڪ هاءِ وي تي هڪ ننڍو جهاز ڪري تباهه ٿي ويو، جنهن ۾ سوار ٻئي ماڻهو مارجي ويا. اطالوي براڊڪاسٽر آر اي آءِ جي مطابق، فوتين ۾ هڪ 75 سالن جو مرد ۽ هڪ 60 سالن جي عورت شامل آهن. حادثي ۾ جهاز مڪمل طور تي تباهه ٿي ويو. حادثي وقت هاءِ وي تي گذرندڙ ٻه ڊرائيور پڻ زخمي ٿيا ۽ انهن کي فوري طور تي ويجهي اسپتال منتقل ڪيو ويو. جهاز جي ڪري تباهه ٿيڻ کان پوءِ حادثي واري هنڌ باهه ۾ ٻڏي ويو، جنهن جي ڪري هاءِ وي جي ٻنهي پاسن کان ٽريفڪ معطل ٿي وئي. اختيارين موجب، حادثي جي سببن جو تعين ڪرڻ لاءِ جاچ شروع ڪئي وئي آهي.