لاهور ۾ صبح سوير ڪڪر جو گھیرو، اڄ به مختلف شهرن ۾ برسات جو امڪان

لاھور:(اڱارو 08 جولاءِ 2025ع)لاهور ۾ صبح سوير ٿيندڙ برسات شهر جي موسم کي تمام خوشگوار بڻائي ڇڏيو. لاهور کان علاوه گوجرا ۽ چنيوٽ ۾ به ڪڪر گڏ ٿي ويا، جڏهن ته اسلام آباد، پنجاب، خيبر پختونخوا، اتر اوڀر بلوچستان ۽ ڪشمير ۾ اڄ مينهن پوڻ جو امڪان آهي. موسميات کاتي موجب، گذريل 24 ڪلاڪن دوران ڪاڪول ۾ 31 ملي ميٽر رڪارڊ ڪيو ويو. ان کان علاوه، بالاڪوٽ ۽ مانسهره ۾ 40-40 ملي ميٽر، ايبٽ آباد ۾ 31 ملي ميٽر، مالم جبه ۾ 17 ملي ميٽر ۽ بنون ۾ 8 ملي ميٽر رڪارڊ ڪيو ويو. سومر ڏينهن، مانسهره جي بالاڪوٽ تحصيل ۾ تيز برسات کان پوءِ درياءَ ۽ واهه ڀرجي ويا، جتي منگلي ڳوٺ ۾ هڪ حادثو پيش آيو جنهن ۾ هڪ 8 سالن جو ٻار مينهن جي ڪينال ۾ ٻڏي ويو. ٻار جي ڳولا جاري آهي. ٻئي طرف، پي ڊي ايم اي موجب، بلوچستان ۾ تازي مون سون دوران حادثن ۾ 10 ماڻهو مارجي ويا ۽ 7 زخمي ٿيا.