عالمي امن لاءِ پاڪستان جون ڪوششون ساراهه جوڳيون آهن: انتونيو گوتريس

نیویارڪ:(اڱارو 22 جولاءِ 2025ع)گڏيل قومن جي سيڪريٽري جنرل انتونيو گوتريس چيو آهي ته عالمي امن لاءِ پاڪستان جون ڪوششون ساراهه جوڳيون آهن. گڏيل قومن ۾ عالمي امن لاءِ گهڻ طرفي ۽ تڪرار جي حل تي بحث ٿيو. نائب وزيراعظم ۽ پرڏيهي وزير اسحاق ڊار بحث جي صدارت ڪئي. هن پاڪستان جي طرفان تڪرار جي حل تي هڪ قرارداد پيش ڪئي. سلامتي ڪائونسل جي بحث ۾ شرڪت ڪندڙن تڪرارن جي پرامن حل کي وڌيڪ اثرائتو بڻائڻ تي هڪ قرارداد منظور ڪئي. بحث کي خطاب ڪندي گڏيل قومن جي سيڪريٽري جنرل انتونيو گوتريس چيو ته عالمي امن لاءِ پاڪستان جون ڪوششون ساراهه جوڳيون آهن. غزه ۽ يوڪرين جو مسئلو جلد حل ٿيڻ گهرجي. غزه ۾ انساني حقن جي ڀڃڪڙي افسوسناڪ آهي. مدد لاءِ گڏيل قومن جي ادارن کي سازگار ماحول فراهم نه ڪيو پيو وڃي. هن چيو ته غزه جا متاثرين بک ۽ غربت جو شڪار آهن. سلامتي ڪائونسل جي ايجنڊا تي گهڻا تڪرار نوعيت ۾ پيچيده آهن. عالمي امن لاءِ پاڪستان جون ڪوششون ساراهه جوڳيون آهن. اهو اسان سڀني جي ذميواري آهي ته تڪرارن کي پرامن طريقي سان حل ڪريون. انتونيو گوتريس وڌيڪ چيو ته بين الاقوامي قانونن تي عمل نه ٿيڻ جي ڪري تڪرار وڌي رهيا آهن. اسحاق ڊار نائب وزيراعظم ۽ پرڏيهي وزير اسحاق ڊار چيو ته پاڪستان پاران پيش ڪيل قرارداد جي منظوري ڀليڪار آهي. اسان گڏيل قومن جي چارٽر آف ڊيمانڊس تي عمل درآمد لاءِ پرعزم آهيون. هن چيو ته ڀارت پاڪستان خلاف پاڻي کي هٿيار طور استعمال ڪيو. اڄ جي بحث تڪرارن کي پرامن طريقي سان حل ڪرڻ جي عڪاسي آهي. پاڪستان سڄي دنيا ۾ امن جو خواهشمند آهي. اسحاق ڊار چيو ته تڪرارن جو حل صرف ڳالهين ۽ سفارتڪاري ذريعي ممڪن آهي. فلسطين ۽ ڪشمير جي مسئلن کي حل ڪرڻ ۾ ناڪامي عالمي برادري جي ٻٽي معيار کي ظاهر ڪري ٿي. فلسطين ۾ 58,000 کان وڌيڪ ماڻهو شهيد ٿي چڪا آهن. نائب وزيراعظم ۽ پرڏيهي وزير وڌيڪ چيو ته هو فلسطين جي مسئلي جي ٻن رياستن جي پرامن حل لاءِ پراميد آهي. ڪشمير جو مسئلو سلامتي ڪائونسل جي ايجنڊا تي هڪ ڊگهي عرصي کان هلندڙ مسئلو آهي. تڪرارن جو پرامن حل پائيدار عالمي امن جي ضمانت آهي.