اٽلي کان سماجي ڪارڪنن جي هڪ ٻي ٻيڙي امدادي سامان سان غزه لاءِ روانو ٿي وئي

روم:(آچر 13 جولاءِ 2025ع)اٽلي جي ٻيٽ سسلي مان سماجي ڪارڪنن جي هڪ ٻي ٻيڙي غزه لاءِ کاڌو، دوائون ۽ ٻيو امدادي سامان کڻي روانو ٿي. روانگي وقت، سيراڪوسا بندرگاهه تي درجنين ماڻهو موجود هئا، جن فلسطيني جهنڊا کنيا ۽ ڪيفيه پائي رهيا هئا، ۽ انهن سڀني "آزاد فلسطين" جو نعرو هڻي ٻيڙي کي الوداع چيو. رپورٽ موجب، ٻيڙي تقريباً 1,800 ڪلوميٽر جو فاصلو طئي ڪندي ۽ غزه پهچڻ ۾ هڪ هفتو لڳي سگهي ٿو. جهاز رستي ۾ ڏکڻ اٽلي جي شهر گيليپولي ۾ رڪندو، جتي فرانس جي سخت کاٻي ڌر جي سياسي پارٽي جا ٻه پارليامينٽ ميمبر به جهاز تي سوار ٿيندا. اهو ياد رکڻ گهرجي ته هي جهاز "ميڊلين" جهاز کان 6 هفتا پوءِ روانو ٿيو آهي جيڪو اڳ ۾ غزه لاءِ روانو ٿيو هو. امداد سان ڀريل جهاز ميڊلين کي اسرائيلي فوج غزه جي ساحل کان 185 ڪلوميٽر پري روڪيو ۽ ان ۾ سوار ماڻهن کي واپس موٽايو ويو. رپورٽ موجب، اسرائيلي فوج 4 مهينن کان وڌيڪ عرصي کان غزه تائين امداد جي رسائي کي روڪي رکيو آهي ۽ خوراڪ جي سخت کوٽ سبب درجنين ٻار پنهنجون زندگيون وڃائي چڪا آهن. ڪالهه، فلسطيني اختيارين خبردار ڪيو ته علائقي ۾ جاري محاصري ۽ انساني امداد جي سخت کوٽ سبب لڳ ڀڳ 650,000 ٻار قحط ۽ غذائي کوٽ جي سنگين خطري ۾ آهن.