غزه:(ڇنڇر 05 جولاءِ 2025ع)اسرائيلي فوجن غزه ۾ فائرنگ ۽ بمباري ڪري گهٽ ۾ گهٽ 42 فلسطيني مارجي ويا آهن.
عرب ميڊيا جي رپورٽن موجب، اسپتال جي ذريعن جو چوڻ آهي ته اسرائيلي فوج هڪ ڀيرو ٻيهر انهن ماڻهن کي نشانو بڻايو آهي جيڪي کاڌي جي انتظار ۾ هئا ۽ اسپتالون زخمين کي سنڀالڻ لاءِ جدوجهد ڪري رهيون آهن.
اسرائيلي حملي ۾ ڏکڻ غزه ۾ فلسطيني ڊاڪٽر ۽ ٻار شهيد ٿيا. هڪ مقامي اسپتال ۾ زچگي ۽ گائنيڪالوجي ڊپارٽمينٽ ۾ صلاحڪار موسيٰ حمدان خفاجه اسرائيلي هوائي حملي ۾ شهيد ٿيو. حملي ۾ المساوي علائقي ۾ بي گهر ماڻهن لاءِ قائم ڪيل خيمه کي نشانو بڻايو ويو، جنهن ۾ سندس 3 ٻارن سميت ڪيترائي خاندان جا ميمبر به شهيد ٿيا. المساوي علائقي کي اسرائيل پاران 'انسان دوستي وارو علائقو' قرار ڏنو ويو.
عرب ميڊيا جي رپورٽن ۾ وڌيڪ چيو ويو آهي ته 7 آڪٽوبر 2023 کان وٺي، غزه ۾ 1,580 کان وڌيڪ طبي ڪارڪن شهيد ٿي چڪا آهن، جن ۾ 90 ڊاڪٽر ۽ 132 نرسون شامل آهن.
0 تبصرے
Do not use vulgar language