باجوڙ:(اربع 02 جولاءِ 2025ع)باجوڙ ۾ صادق آباد ڦاٽڪ ميلو گرائونڊ ويجهو بم ڌماڪو ٿيو آهي، جنهن ۾ اسسٽنٽ ڪمشنر سميت چار ماڻهو شهيد ٿي ويا آهن.
پوليس اختيارين موجب، خيبرپختونخواهه جي ضلعي باجوڙ جي خار صادق آباد تحصيل ۾ ڦاٽڪ ميلو گرائونڊ ويجهو ڌماڪو ٿيو آهي، جنهن ۾ چار ماڻهو شهيد ٿي ويا آهن جڏهن ته 11 زخمي ٿي پيا آهن. ڌماڪي جي نتيجي ۾ هڪ گاڏي مڪمل طور تي تباهه ٿي وئي آهي.
ريسڪيو اختيارين جو چوڻ آهي ته ڌماڪي ۾ شهيد ٿيندڙن ۾ اسسٽنٽ ڪمشنر ناوگائي، تحصيلدار وڪيل خان ۽ ٻه پوليس اهلڪار شامل آهن. لاشن ۽ زخمين کي اسپتال منتقل ڪيو ويو آهي.
پوليس ۽ سيڪيورٽي فورسز علائقي کي گهيري ۾ آڻي جاچ شروع ڪري ڇڏي آهي.
0 تبصرے
Do not use vulgar language