غزہ:(اربع 23 جولاءِ 2025ع)غزه ۾ غذائي کوٽ سبب 15 فلسطيني قتل ڪيا ويا، جن ۾ 4 ٻار به شامل آهن.
غزه ۾ غذائي کوٽ سبب 15 وڌيڪ ماڻهو قتل ڪيا ويا آهن، جنهن سان بک ۽ غذائي کوٽ سبب ٿيندڙ مقتولن جو ڪُل انگ 101 ٿي ويو آهي.
خيراتي تنظيم سيو دي چلڊرن جو چوڻ آهي ته غزه ۾ صورتحال تباهي ڪندڙ آهي، هر ڪو بک جو شڪار آهي.
ان کان علاوه، فلسطين جي ويسٽ بينڪ ۾ اسرائيلي حملي ۽ غزه ۾ کاڌي جي پابندي خلاف هڪ مظاهرو ڪيو ويو، جنهن ۾ سوين مرد، عورتون ۽ ٻار شرڪت ڪئي ۽ چيو: "غزه ۾ ٻارن کي بکيو رکي قتل نه ڪريو ."
ٻئي طرف، گذريل 24 ڪلاڪن ۾ غزه تي اسرائيلي فوج جي وحشيانه حملن ۾ 80 کان وڌيڪ فلسطيني قتل ٿي ويا، جن ۾ 31 فلسطيني به شامل هئا جيڪي امداد جي انتظار ۾ هئا.
0 تبصرے
Do not use vulgar language