يو اي اي نئين پائپ لائن ذريعي فلسطينين کي صاف پاڻي جي فراهمي شروع ڪري ڇڏي

رفح:(سومر 28 جولاءِ 2025ع)گڏيل عرب امارات غزه ۾ محصور فلسطينين کي پيئڻ جو صاف پاڻي فراهم ڪرڻ لاءِ هڪ مستقل انتظام قائم ڪيو آهي. غزه-مصر سرحد تي رفح جي ويجهو اماراتي ڊيسيلينيشن پلانٽس، غزه ۾ فلسطينين کي پيئڻ جو پاڻي فراهم ڪرڻ شروع ڪري ڇڏيو آهي. اماراتي عملدارن موجب، اهو منصوبو روزانو غزه کي تقريبن 2 ملين گيلن صاف پاڻي پهچائيندو، جيڪو لکين متاثر ماڻهن جي اڃ کي ختم ڪرڻ لاءِ اميد جي ڪري آهي. اماراتي عملدارن موجب، پاڻي رفح کان خان يونس تائين هڪ نئين 6.7 ڪلوميٽر پائپ لائن ذريعي پهچايو ويندو. ميڊيا رپورٽن موجب، اسرائيلي گولا باريءَ سبب غزه جي 85 سيڪڙو کان وڌيڪ پاڻي جون لائينون تباهه ٿي ويون آهن. گذريل ڪجهه ڏينهن ۾، رفح سرحد جي ويجهو نئين پاڻي جون پائپ لائنون وڇايون ويون آهن ۽ خراب ٿيل پاڻي جون لائينون بحال ڪيون پيون وڃن. يو اي اي نيوز ايجنسي وام موجب، اهي قدم يو اي اي جي غزه امداد مهم، 'آپريشن الفارس الشهم 3' جي حصي طور کنيا پيا وڃن، جڏهن ته يو اي اي هوائي امداد سروس، 'طيور الخير' کي به ٻيهر شروع ڪري ڇڏيو آهي.